കരുനാഗപ്പള്ളി: പാലമില്ലാതെ വലഞ്ഞ നാടിന് ആശ്വാസമായി ബിജെപി പ്രവര്ത്തകര്. ഒന്നരപ്പതിറ്റാണ്ടായി യാത്രാദുരിതമനുഭവിച്ച നാടിനാണ് ബിജെപി കോഴിക്കോട് മേഖലാകമ്മറ്റിയുടെ കൈത്താങ്ങായത്. പരാതികള്ക്കും നിവേദനങ്ങള്ക്കും നഗരസാഭാധികൃതര് പുല്ലുവില കല്പിച്ച മുപ്പതാം ഡിവിഷനിലെ നാട്ടുകാര്ക്കാണ് ബിജെപി പാലം നിര്മിച്ചുനല്കിയത്. മില്മ ജംഗ്ഷന് തെക്കുവശത്തുള്ള തോടിന് കുറുകെയാണ് നാട്ടുകാര് ഏറെ കൊതിച്ച പാലം കഴിഞ്ഞദിവസം ഉദ്ഘാടനം ചെയ്തത്.
പാലം ജനങ്ങള്ക്കായി തുറന്നുകൊടുത്ത ചടങ്ങ് ബിജെപി കരുനാഗപ്പള്ളി മണ്ഡലം പ്രസിഡന്റ് കെ.ആര്. രാജേഷ് ഉദ്ഘാടനം ചെയ്തു. ഒബിസി മോര്ച്ച സംസ്ഥാന ഉപാധ്യക്ഷന് എസ്. കൃഷ്ണന് മുഖ്യാതിഥിയായി.
ഒബിസി മോര്ച്ച ജില്ലാ ജനറല്സെക്രട്ടറി പ്രകാശ് പാപ്പാടി, ജില്ലാസെക്രട്ടറി മധുപാല്, ബിജെപി മണ്ഡലം ട്രഷറര് മുരളി, കോഴിക്കോട് മേഖലാ പ്രസിഡന്റ് ഷിജി ആനന്ദന്, ജനറല്സെക്രട്ടറി സജീവന്, ഒബിസി മോര്ച്ച മണ്ഡലം ജനറല്സെക്രട്ടറി കുട്ടന് ശാന്തി, മോര്ച്ച മേഖലാ പ്രസിഡന്റ് സുദേവന്, വാര്ഡ് കണ്വീനര് ജോയ് തുടങ്ങിയവര് പങ്കെടുത്തു.
