മണ്ട്രോത്തുരുത്ത്: ഇനിയുള്ള തന്റെ പൊതുപ്രവര്ത്തനം മോദിയുടെ ഭരണനേട്ടങ്ങള് ജനങ്ങളിലെത്തിക്കാന് വേണ്ടിയായിരിക്കുമെന്ന് സിപിഎം വിട്ട് ബിജെപിയിലെത്തിയ വില്ലിമംഗലം വാര്ഡംഗം അനുപമ. മണ്ട്രോത്തുരുത്തില് 15 സിപിഎമ്മുകാര്ക്കൊപ്പമാണ് അനുപമ ബിജെപി സംസ്ഥാന പ്രസിഡന്റ് കെ. സുരേന്ദ്രനില്നിന്നും അംഗത്വം സ്വീകരിച്ചത്.
ഇതുവരെയും വിശ്വസിച്ചിരുന്ന മാര്ക്സിസ്റ്റുപാര്ട്ടി ജനങ്ങളോട് കാണിച്ചത് വഞ്ചനയാണെന്ന് തിരിച്ചറിഞ്ഞാണ് താനടക്കമുള്ളവര് ബിജെപിയിലെത്തിയതെന്ന് അവര് പറഞ്ഞു. പാര്ട്ടിക്കുവേണ്ടി പണിയെടുക്കുന്ന പാവപ്പെട്ടവരോട് പാര്ട്ടിക്കാര് കാണിക്കുന്നത് കടുത്ത അനീതിയാണ്. ഇത് തുറന്നുപറയാന് പലരും ധൈര്യപ്പെടാത്തത് മറ്റൊരു കൊടിയുടെ ബലമില്ലാത്തതുകൊണ്ടുതന്നെ.
സിപിഎം നേതാക്കളുടെ കാപട്യവും ഗുണ്ടായിസവും കാരണം പാര്ട്ടിയില് നിന്നും ജനങ്ങള് അകലുകയാണ്. അടുത്ത തെരഞ്ഞെടുപ്പോടെ അവര്ക്ക് ജനങ്ങളുടെ പ്രതികരണശേഷി മനസിലാകും. പാവങ്ങള്ക്കുവേണ്ടി മോദിസര്ക്കാര് ചെയ്യുന്ന എല്ലാ നല്ല കാര്യങ്ങളെയും ഇകഴ്ത്തുകയും പരിഹസിക്കുകയും സൂത്രത്തില് സ്വന്തമാക്കുകയും ചെയ്യുന്ന മാര്ക്സിസ്റ്റ് നിലപാട് വൈകാതെ തകര്ന്നടിയുമെന്നും അനുപമ ജന്മഭൂമിയോട് പറഞ്ഞു.
കേരളത്തിന്റെ പുരോഗതിയും നന്മയും കാംക്ഷിക്കുന്ന നിരവധി സാധാരണക്കാരായ ഇടതുപക്ഷപ്രവര്ത്തകര് ബിജെപിയിലേക്ക് വരുംദിനങ്ങളില് എത്തിച്ചേരുമെന്നും അവര് പറഞ്ഞു.
