കോട്ടയം: കേരള കോണ്ഗ്രസ് ജോസ് കെ മാണി വിഭാഗം എല്ഡിഎഫിലേക്ക്. ജോസ് വിഭാഗത്തിലെ പ്രധാന നേതാവും കാഞ്ഞിരപ്പള്ളി എംഎല്എയുമായ എന്. ജയരാജാണ് ഇക്കാര്യം വ്യക്തമാക്കിയത്. എല്ലാ കാര്യങ്ങളും തീരുമാനിച്ചുവെന്നും ഇന്നി ഇനി പ്രഖ്യാപനം മാത്രമാണ് ബാക്കിയുള്ളതെന്നും അദ്ദേഹം പറഞ്ഞു.
എല്ഡിഎഫിലേക്കുള്ള രാഷ്ട്രീയ നിലപാട് തിങ്കളാഴ്ച കേരള കോണ്ഗ്രസ് ജോസ് കെ മാണി വിഭാഗം പ്രഖ്യാപിക്കും. പാലാ,കാഞ്ഞിരപ്പള്ളി സീറ്റുകള് വിട്ടുകൊടുക്കുന്ന കാര്യത്തില് തീരുമാനമായിട്ടില്ല. എന്സിപിയും സിപിഐയും സീറ്റുകള് വിട്ടുകൊടുക്കില്ലെന്ന നിലപാടില് ഉറച്ചുനില്ക്കുന്നകയാണ്. ഇതാണ് ഇടതുമുന്നണി തീരുമാനമെടുക്കുന്നത് വൈകുന്നതിന് കാരണം.
ജോസ് കെ മാണി ഇടതുമുന്നണിയിലേക്ക് വരുന്നുവെന്ന ചര്ച്ചകള് തുടങ്ങിയപ്പോള് തന്നെ പാലാ സീറ്റ് വിട്ടുകൊടുക്കില്ലെന്ന് മാണി സി കാപ്പനും എന്സിപിയും വ്യക്തമാക്കിയിരുന്നു. കെ എം മാണിയുടെ മരണത്തോടെ ഒഴിവു വന്ന സീറ്റില് മാണി സി കാപ്പനാണ് വിജയിച്ചുകയറുകയായിരുന്നു.
തുടര്ച്ചയായി കെ എം മാണി ജയിച്ചു വന്ന സീറ്റ് കേരള കോണ്ഗ്രസ് എമ്മിന് നല്കണമെന്നാണ് സിപിഎമ്മിന്റെ നിലപാട്. എന്നാല്, ഈ നിലപാട് അംഗീകരിക്കില്ലെന്നാണ് മാണി സി കാപ്പന്റെ നിലപാട്. ജോസ് കെ. മാണി എല്ഡിഎഫ് സ്ഥാനാര്ത്ഥിയായാല് പിസി ജോര്ജ് പാലായില് മത്സരിക്കാനുള്ള തയാടെുപ്പ് തുടങ്ങിയിട്ടുണ്ട്.
