അക്ഷയ് കുമാറിന്റെ ലക്ഷ്മി ബോംബിന്റെ ട്രെയിലര്‍ പുറത്തിറങ്ങി. യൂട്യൂബില്‍ റിലീസ് മണിക്കൂറുകള്‍ കൊണ്ടുതന്നെ ട്രെയിലര്‍ തരംഗമായിരിക്കുകയാണ്. അക്ഷയ് കുമാറിന്റെ വ്യത്യസ്ത വേഷ പകര്‍ച്ചയിലുള്ള ചിത്രം തമിഴില്‍ വന്‍ നേട്ടങ്ങള്‍ കൊയ്ത രാഘവ ലോറന്‍സ് സിനിമ കാഞ്ചനയുടെ ഹിന്ദി പതിപ്പാണ്. ക്യാരാ അദ്വാനിയാണ് ചിത്രത്തിലെ നായിക.
ദീപാവലി റിലീസായി നവംബര്‍ ഒന്‍പതിന് ഡിസ്‌നി പ്ലസ് ഹോട്ട്സ്റ്റാറിലൂടെ ചിത്രം പ്രദര്‍ശനത്തിനെത്തും. ഓടിടി റിലീസിനോടൊപ്പം തന്നെ ന്യൂസ്‌ലാന്റ്, ഓസ്‌ട്രേലിയാ, യുഎഇ എന്നിവിടങ്ങളില്‍ തിയറ്ററുകളിലും ചിത്രം റിലീസ് ചെയ്യും.
അക്ഷയ്കുമാറിന്റെ ഇതിനു മുമ്പ് കണ്ടിട്ടില്ലാത്ത അവതാര കഥാപാത്രമായിരിക്കും ‘ലക്ഷ്മി ബോംബി’ ലേതെന്നാണ് അണിയറക്കാര്‍ അവകാശപ്പെടുന്നത്.അത് കൊണ്ടു തന്നെ ആരാധകര്‍ ചിത്രത്തിനായി ആകാംഷയോടെ കാത്തിരിക്കയാണ്. 2019 ല്‍ പുറത്തിറങ്ങിയ അക്ഷയ്കുമാര്‍ ചിത്രങ്ങള്‍ എല്ലാംതന്നെ വന്‍ വിജയമായിരുന്നു.
രാഘവ ലോറന്‍സ് തന്നെയാണ് ഹിന്ദി പതിപ്പിലും സംവിധാനം നിര്‍വഹിച്ചിരിക്കുന്നത്. അക്ഷയ് കുമാറിന്റെ കേപ് ഓഫ് ഗുഡ് ഫിലിംസ്, ഷബീന ഖാന്‍, തുഷാര്‍ കപൂര്‍, ഫോക്‌സ് സ്റ്റാര്‍ സ്റ്റുഡിയോസ് എന്നിവര്‍ ചേര്‍ന്നാണ് നിര്‍മ്മാണം. തുഷാര്‍ കപൂര്‍ , മുസ്ഖാന്‍ ഖുബ്ചന്ദാനി, ഷരദ് കേല്‍ക്കര്‍, തരുണ്‍ അറോറ, അശ്വിനി കല്‍സേക്കര്‍ എന്നിവര്‍ പ്രധാന വേഷങ്ങളില്‍ എത്തുന്നു.
പ്രതികരിക്കാൻ ഇവിടെ എഴുതുക: