സിപിഎം ബന്ധം ഉപേക്ഷിച്ച് ബിജെപിയിലെത്തിയവരെ മുക്കംപാലമൂട് ബിജു ഷാള്‍ അണിയിച്ച് സ്വീകരിക്കുന്നു
മലയിന്‍കീഴ്: ചെങ്കൊടി വലിച്ചെറിഞ്ഞ് മുന്‍ സിപിഎം സ്ഥാനാര്‍ത്ഥി ജയയും സുഹൃത്ത് ലതാ റാണിയും ബിജെപിയിലേക്ക്. മാറനല്ലൂര്‍ പഞ്ചായത്തിലെ പെരുംമുള്ളൂര്‍ വാര്‍ഡില്‍ 2010 ല്‍ നടന്ന തദ്ദേശ തെരഞ്ഞെടുപ്പില്‍ സിപിഎം സ്ഥാനാര്‍ത്ഥിയായി മത്സരിച്ചിരുന്നു ജയ. അന്ന് ബിജെപിയിലെ കുമാരി മായ പി.എസിനോട് പരാജയപ്പെട്ടു. പിന്നീടും ജയയും ലതാ റാണിയും മാര്‍ക്‌സിസ്റ്റ് പാര്‍ട്ടിയുടെ സജീവപ്രവര്‍ത്തകരായി തുടര്‍ന്നു.
കള്ളക്കടത്തും അഴിമതിയും മുഖമുദ്രയാക്കിയ നേതൃത്വത്തോടുള്ള അമര്‍ഷമാണ് ഇരുവരെയും ദേശീയതയുടെ ഭാഗമാകാന്‍ പ്രേരിപ്പിച്ചത്. ഇതേ വാര്‍ഡില്‍ നിന്നു തന്നെ 40 വര്‍ഷത്തെ കോണ്‍ഗ്രസ് ബന്ധം ഉപേക്ഷിച്ച് ഗോപിയും (ടെയിലര്‍ ഗോപി) കുടുംബവും ഇന്നലെ ബിജെപിയില്‍ ചേര്‍ന്നു
ജില്ലാ മേഖലാ സെക്രട്ടറി മുക്കംപാലമൂട് ബിജു ഷാള്‍ അണിയിച്ച് പുതുതായി എത്തിയവരെ പാര്‍ട്ടിയിലേക്ക് സ്വീകരിച്ചു. പഞ്ചായത്ത് കമ്മറ്റി പ്രസിഡന്റ് ഇന്ദുകുമാര്‍, സെക്രട്ടറി സാബു എസ്. രംഗന്‍, സുധാകരന്‍ നായര്‍, വാര്‍ഡ് മെമ്പര്‍ കുമാരി മായ പി.എസ്. എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക