തിരുവനന്തപുരം: സ്വകാര്യ ബാങ്കില് പണം നിക്ഷേപിച്ചതിനും പെട്ടന്ന് പിന്വലിച്ചതിലും കിഫ്ബിക്കെതിരെ കേന്ദ്രം അന്വേഷണം പ്രഖ്യാപിച്ചു. ചട്ടലംഘനത്തിന് അന്വേഷണം നേരിടുന്ന ആളെ കിഫ്ബി ഡയറക്ടറാക്കിയ നടപടിയും അന്വേഷിക്കും. 250 കോടി യെസ് ബാങ്കില് നിക്ഷേപിച്ചതുമായി ബന്ധപ്പെട്ട് കിഫ്ബിക്കെതിരെ എന്ഫോഴ്സ്മെന്റ് ഡയറക്ടറേറ്റ് അന്വേഷണം നടത്തുന്നതായി കേന്ദ്രധനകാര്യ സഹമന്ത്രി അനുരാഗ് ഠാക്കൂറാണ് രാജ്യസഭയില് വെളിപ്പെടുത്തിയത്.
2017 മേയ് മുതല് കിഫ്ബി സ്വരൂപിച്ച പണമാണ് യെസ് ബാങ്കില് നിക്ഷേപിച്ചത്.8.03% പലിശയാണ് അവര് നല്കിയത്. 2018വരെ ഏഴു തവണ യെസ് ബാങ്കില് നിക്ഷേപം നടത്തി. പെട്ടന്ന് പലിശയടക്കം പിന്വലിച്ചു മറ്റു ബാങ്കിലേക്കു മാറ്റി.
മുഖ്യമന്ത്രിയുടെ അടുത്തയാളായ ടി എസ്സ് വിജയനുവേണ്ടിയായിരുന്നു നിക്ഷേപം. എല് ഐ സി ചെയര്മാന് ആയിരുന്ന വിജയന് ചട്ടങ്ങള് ലംഘിച്ച്് യെസ് ബാങ്കില് പോവുകയും മേധാവിയാകുകയും ചെയ്തു. അദ്ദേഹത്തിന്റെ താല്പര്യം പ്രകാരം സര്ക്കാറിന്റെ വന്തുക ബാങ്കില് നിക്ഷേപിക്കുകയായിരുന്നു. ഇതില് കമ്മീഷന് ഇടപാട് നടന്നു എന്ന സംശയം ഉണ്ട്.
