ബെള്ളൂര്: നിര്മ്മാണം പൂര്ത്തിയായി ഒരുവര്ഷം കഴിഞ്ഞിട്ടും തുറക്കുന്ന കാര്യത്തില് തീരുമാനമാകാതെ ഏകാധ്യാപക വിദ്യാലയം. ബെള്ളൂര് ഗ്രാമപ്പഞ്ചായത്തിലെ കിന്നിങ്കാര് കോട്ടിമൂലയിലാണ് ആധുനിക സൗകര്യമുള്ള ഏകധ്യാപക വിദ്യാലയം പണി പൂര്ത്തിയാക്കിയത്.
എം.എല്.എ.യുടെ ആസ്തിവികസ ഫണ്ടില് നിന്നുള്ള 30 ലക്ഷം രൂപ ചെലവിട്ടാണ് കെട്ടിടം പണിതത്. നിലവില് താത്കാലികമായി എസ്.സി. കമ്യൂണിറ്റി ഹാളിലാണ് വിദ്യാലയം പ്രവര്ത്തിക്കുന്നത്. പണി പൂര്ത്തിയാക്കിയെങ്കിലും കാരാറുകാരന് ഇതുവരെയായി തുക അനുവദിച്ചിട്ടില്ല. ബില്ലുകള് എല്ലാം തയ്യാറാക്കി ജില്ലാ പഞ്ചായത്തില് സമര്പ്പിച്ചെങ്കിലും തുടര്നടപടികളുണ്ടാകുന്നില്ലെന്നാണ് കരാരുകാരന് പറയുന്നത്.
കിന്നിങ്കാര് ഏത്തടുക്ക റോഡരികില് സര്ക്കാര് അനുവദിച്ച ഭൂമിയിലാണ് കെട്ടിടം. രണ്ട് ക്ലാസ് മുറികളോടെയുള്ള കെട്ടിടം തുറന്നാല് ബെള്ളൂര് പഞ്ചായത്തിലെ മൂന്ന് വാര്ഡികളിലെ കുട്ടികള്ക്ക് ഏറെ ഉപകാരപ്പെടും. കൊവിഡ് കാരണം ക്ലാസുകള് ഇല്ലാത്തതിനാലാണ് പുതിയ കെട്ടിടത്തിന്റെ ഉദ്ഘാടന കാര്യത്തില് തിരക്കുകൂട്ടാത്തതെന്നും തടസ്സങ്ങള് നീക്കി കെട്ടിടം വിട്ടുകൊടുക്കാന് നടപടി ഉണ്ടാകുമെന്നുമാണ് അധികൃതര് പറയുന്നത്.
