മാഡ്രിഡ്: സ്പാനിഷ് ലീഗായ ലാലിഗ ഇന്ന് തുടങ്ങും. ആദ്യ മത്സരത്തില്‍ ഐബര്‍ സെല്‍റ്റ വിഗോയെ നേരിടും. ആദ്യ ആഴ്ചയില്‍ ഏഴു മത്സരങ്ങളാണ് നടക്കുക.
പോയ സീസണിലെ ആദ്യ നാലു സ്ഥാനക്കാരായ റയല്‍ മാഡ്രിഡ്, ബാഴ്‌സലോണ, അത്‌ലറ്റിക്കോ മാഡ്രിഡ്, സെവിയ ടീമുകള്‍ ആദ്യ ആഴ്ചയില്‍ കളത്തിലിറങ്ങില്ല. ഇവര്‍ക്ക് തയ്യാറെടുക്കാന്‍ കൂടുതല്‍ സമയം അനുവദിച്ചിരിക്കുകയാണ്. ഈ മാസം അവസാനത്തോടെ ഈ ടീമുകള്‍ കളത്തിലിറങ്ങും.
നിലവിലെ ജേതാക്കളായ റയല്‍ മാഡ്രിഡ് ആദ്യ മത്സരത്തില്‍ 27 ന് റയല്‍ ബെറ്റിസിനെ നേരിടും. അന്ന് ബാഴ്‌സ ആദ്യ മത്സരത്തില്‍ വിയാറയലുമായി മാറ്റുരയ്‌ക്കും. കൊറോണയുടെ പശ്ചാത്തലത്തില്‍ അടച്ചിട്ട സ്‌റ്റേഡിയത്തിലാണ് മത്സരങ്ങള്‍ നടക്കുക.
പ്രതികരിക്കാൻ ഇവിടെ എഴുതുക: