കുറുപ്പംപടി: കോറോണ മാനദണ്ഡങ്ങള് ലംഘിച്ച് സിപിഎം നടത്തിയ ലോക്കല് കമ്മിറ്റി യോഗത്തില് പങ്കെടുത്ത നേതാവിന് കൊറോണ സ്ഥിരീകരിച്ചതിനെ തുടര്ന്ന പരിപാടിയില് പങ്കെടുത്തവര് ക്വാറന്റീനില്. പെരുമ്പാവൂര് കുറുപ്പംപടിയിലാണ് സംഭവം. കുറുപ്പംപടി ലോക്കല് കമ്മിറ്റിയിലെ 18 ഓളം നേതാക്കളാണ് ക്വാറന്റീനിലായത്. ഇതില് രണ്ട് മുന് പഞ്ചായത്ത് പ്രസിഡന്റുമാരും ഉള്പ്പെടുന്നു.
സംസ്ഥാനം ഭരിക്കുന്ന പാര്ട്ടിതന്നെ നിയന്ത്രണങ്ങള്പരസ്യമായി ലംഘിക്കുന്നത് പൊതുജനങ്ങള്ക്കിടയില് വലിയവിമര്ശനങ്ങള്ക്കിടയാക്കിയിട്ടുണ്ട്. പാര്ട്ടിഓഫീസ് പ്രവര്ത്തിക്കുന്ന വാര്ഡില് ഒരുപ്രദേശം മൈക്രോകണ്ടൈയിന്മെന്റ് സോണായി പ്രഖ്യാപിച്ച സാഹചര്യത്തില് കൂടിയാണ് പ്രാദേശിക സിപിഎം നേതൃത്വത്തിന്റെ യോഗം. നാട്ടിലെ സാഹചര്യം മനസ്സിലാക്കാതെ ഇത്തരത്തില് യോഗം ചേര്ന്ന നേതാക്കള്ക്കെതിരെ കുറുപ്പംപടി, രായമംഗലം മേഖലയില് വന് പ്രതിഷേധമാണ് ജനങ്ങള് ഉയര്ത്തുന്നത്.
