ജന്മദിനനത്തില് തന്റെ പുതിയ സിനിമയുടെ ഫസ്റ്റ് ലുക്ക് പോസ്റ്റര് പുറത്തുവിട്ട് ഐശ്വര്യ ലക്ഷ്മി. നായിക പ്രാധാന്യമുള്ള ‘അര്ച്ചന 31 നോട്ട് ഔട്ട്’ന്റെ പോസ്റ്ററാണ് ഐശ്വര്യ ഫേസ്ബുക്കിലൂടെ പുറത്തുവിട്ടിരിക്കുന്നത്. ദേവിക +2 ബയോളജി, അവിട്ടം, എന്നീ ഷോര്ട്ട് ഫിലിമുകളിലൂടെ ഏറെ ശ്രദ്ധേയനായ അഖില് അനില് കുമാര് ആണ് സിനിമയുടെ സംവിധായകന്. നായിക പ്രധാന്യമുള്ള ചിത്രത്തില് സാരിയുടുത്ത് കിടിലന് ലുക്കിലാണ് ഐശ്വര്യ പ്രത്യക്ഷപ്പെട്ടിരിക്കുന്നത്.
മാര്ട്ടിന് പ്രക്കാട്ട് ഫിലിംസിന്റെ ബാനറില് മാര്ട്ടിന് പ്രക്കാട്ട്, സിബി ചാവറ, രഞ്ജിത് നായര് എന്നിവര് ചേര്ന്ന് നിര്മ്മിക്കുന്ന ഈ ചിത്രത്തിന്റെ ഛായാഗ്രഹണം ജോയല് ജോജിയാണ് നിര്വഹിക്കുന്നത്. നവംബര് 15-ന് പാലക്കാട് സിനിമയുടെ ചിത്രീകരണം ആരംഭിക്കും.
അര്ച്ചന ഒരു ഫണ് ഫിലിം ആണ്. ഏതൊരു പെണ്കുട്ടിയും കടന്നു പോയേക്കാവുന്ന എന്നാല് വളരെ രസകരമായ ചടുലമായ തമാശകള് നിറഞ്ഞ അവതരണശൈലി ആണ് ഉദ്ദേശിക്കുന്നത്. മുമ്പും നായികാ പ്രധാന്യമുള്ള കഥകള് വന്നിരുന്നെങ്കിലും അര്ച്ചനയുടെ കഥ ഇഷ്ടമായെന്ന് ഐശ്വര്യ പറഞ്ഞു.
മണിരത്നത്തിന്റെ ബ്രഹ്മാണ്ഡ സിനിമ പൊന്നിയിന് സെല്വന്, ധനുഷ് ചിത്രം ജഗമേ തന്തിരം എന്നിവയാണ് ഐശ്വര്യയുടെ പുതിയ സിനിമകള്.
