തൃശൂര്‍: തിരുവില്വാമല വില്വാദ്രിനാഥന്റെ തിരുമുറ്റത്ത് മേഞ്ഞുനടക്കുന്ന അമ്പലക്കാളകളെ കടത്തി പോകാന്‍ വന്‍ മാഫിയകള്‍ രംഗത്ത്. കഴിഞ്ഞ ദിവസം പുലര്‍ച്ചെ രണ്ടോടെ അവില്‍മില്‍ പരിസരത്ത് വച്ച് ബൈക്കുകളിലും മറ്റ് വലിയ വണ്ടികളിലുമായി എത്തി കാളകളെ വണ്ടിയില്‍ കയറ്റാന്‍ ശ്രമം നടത്തിയിരുന്നു. ശബ്ദം കേട്ട് സമീപത്തെ വീട്ടുകാര്‍ വരുമ്പോഴേക്കും ഇവര്‍ കടന്നു കളഞ്ഞു. തുടര്‍ന്ന് വാര്‍ഡ് മെമ്പറും ബിജെപി പഞ്ചായത്ത് പ്രസിഡന്റുമായ കെ. ബാലകൃഷ്ണനെ നാട്ടുകാര്‍ വിവരം അറിയിച്ചു.
തുടര്‍ന്ന് ബാലകൃഷ്ണന്‍ പഴയന്നൂര്‍ പോലീസില്‍ അറിയിക്കുകയും പരിശോധന നടത്തുകയും ചെയ്തു. കഴിഞ്ഞ ഏതാനും മാസങ്ങളായി തിരുവില്വാമലയുടെ മറ്റ് പ്രദേശങ്ങളിലുമായി ഇത്തരം സംഭവങ്ങള്‍ നടക്കുന്നത് പതിവാണെന്ന് നാട്ടുകാരും പറയുന്നു. ദേശീയ അംഗീകാരം നേടിയ വില്വാദ്രി പശുക്കളെ സംരക്ഷിക്കാന്‍ ബന്ധപെട്ട അധികാരികള്‍ തയ്യാറാകണമെന്ന് ബിജെപി തിരുവില്വാമല പഞ്ചായത്ത് പ്രസിഡന്റ് കെ. ബാലകൃഷ്ണന്‍ പറഞ്ഞു.
പ്രതികരിക്കാൻ ഇവിടെ എഴുതുക: