ചെന്നൈ: മഹേന്ദ്ര സിങ് ധോണി 2022 വരെ ചെന്നൈ സൂപ്പര്‍ കിങ്‌സിന്റെ ക്യാപ്റ്റനായി തുടരുമെന്ന് ടീമിന്‍െ ചീഫ് എക്‌സിക്യൂട്ടീവ് അറിയിച്ചു.
ധോണിയെക്കുറിച്ച് ഞങ്ങള്‍ക്ക് ഒരു വേവലാതിയുമില്ല. ഐപിഎല്ലില്‍ അടുത്ത രണ്ട് വര്‍ഷം കൂടി ധോണിയുടെ സേവനം ഉണ്ടാകുമെന്ന് ചെന്നൈ സൂപ്പര്‍ കിങ്‌സ് ചീഫ് എക്‌സിക്യൂട്ടീവ് കാശി വിശ്വനാഥന്‍ പറഞ്ഞു.
ഇംഗ്ലണ്ടില്‍ കഴിഞ്ഞ വര്‍ഷം നടന്ന ഐസിസി ലോകകപ്പിനുശേഷം ധോണി ക്രിക്കറ്റില്‍ നിന്ന് വിട്ടുനില്‍ക്കുകയാണ്. ഇത്തവണത്തെ ഐപിഎല്ലില്‍ കളിക്കാന്‍ തയാറെടുക്കുകയാണ് ധോണി. ജന്മനാടായ റാഞ്ചിയില്‍ പരിശീലനം നടത്തിവരുകയാണ്. സെപ്തംബര്‍ 19 മുതല്‍ നവംബര്‍ പത്ത് വരെ യുഎഇയിലാണ് ഈ സീസണിലെ ഐപിഎല്‍ അരങ്ങേറുന്നത്.
ചെന്നൈ സൂപ്പര്‍ കിങ്‌സ് കളിക്കാര്‍ ഈ ആഴ്ച ചെന്നൈയില്‍ എത്തിച്ചേരും. ഈ മാസം ഇരുപതിന് ശേഷം ടീം യുഎഇയിലേക്ക് യാത്രതിരിക്കും.
പ്രതികരിക്കാൻ ഇവിടെ എഴുതുക: