കൊല്ലം: അനധികൃതമായ വയല്നികത്തല് മൂലം വീടുകളില് വെള്ളം കയറിയതായി പരാതി. പള്ളിമുക്ക് ഡിവിഷനിലെ ശ്രീനാരായണപുരത്തെ മുപ്പതോളം വീടുകളിലാണ് വെള്ളം കയറിയത്. ഭരണ സ്വാധീനത്തിലാണ് ഇവിടെ ഭൂമാഫിയ വയല് നികത്തുന്നതെന്ന് നാട്ടുകാര് ആരോപിച്ചു.
വീടുകളില് വെള്ളം കയറിയത് അറിഞ്ഞ് സേവന സന്നദ്ധരായിസ്ഥലത്തെത്തിയ യുവമോര്ച്ച – ബിജെപി പ്രവര്ത്തകര്ക്ക് നേരെ സിപിഎം -ഡിവൈഎഫ്ഐ പ്രവര്ത്തകരുടെ നേതൃത്വത്തില് പ്രകോപനം ഉണ്ടായി. തുടര്ന്ന് ഇരവിപുരം പോലീസ് സ്ഥലത്ത് എത്തിയശേഷമാണ് അക്രമികള് പിരിഞ്ഞുപോയത്. പ്രദേശത്ത് അനധികൃതമായി വയല്നികത്തി വ്യാപക നിര്മാണപ്രവര്ത്തനമാണ് നടക്കുന്നതെന്ന് ബിജെപി ആരോപിച്ചു.
ബിജെപി മേഖല പ്രസിഡന്റ് സജു, വൈസ് പ്രസിഡന്റ് ബിജു, യുവമോര്ച്ച ജില്ലാ സെക്രട്ടറി അനീഷ് ജലാല്, മണ്ഡലം വൈസ് പ്രസിഡന്റ് അര്ജുന്, ഏരിയ പ്രസിഡന്റ് ബിനു എന്നിവര് നേതൃത്വം നല്കി.
