റോം: പരിചയസമ്പന്നനായ സ്ലാട്ടണ്‍ ഇബ്രാഹിമോവിച്ചിന്റെ ഇരട്ട ഗോളില്‍ എസി മിലാന് ഉജ്ജ്വല വിജയം. സീരി എയില്‍ ഒന്നിനെതിരെ നാലു ഗോളുകള്‍ക്ക് സാംപ്‌ഡോറിയയെ പരാജയപ്പെടുത്തി. ഹകന്‍, റഫേല്‍ എന്നിവരാണ് മിലാന്റെ മറ്റ് രണ്ട് ഗോളുകള്‍ നേടിയത്. കൊറോണക്ക് ശേഷം സിരീ എ പുനാരാരംഭിച്ചതിനുശേഷം മിലാന് തോല്‍വി അറിഞ്ഞിട്ടില്ല.
ഈ വിജയത്തോടെ എസി മിലാന് 63 പോയിന്റുമായി ആറാം സ്ഥാനത്ത് തുടരുകയാണ്. അടുത്ത സീസണിലെ യുറോപ്പ ലീഗില്‍ മത്സരിക്കാന്‍ മിലാന് യോഗ്യത ലഭിക്കുമെന്ന് ഉറപ്പായി. കളിയുടെ നാലാം മിനിറ്റില്‍ തന്നെ ഇബ്രാഹിമോവിച്ച് മിലാനെ മുന്നിലെത്തിച്ചു. ആന്റി റെബിക്കിന്റെ ക്രോസില്‍ തലവച്ചാണ് ഇബ്രാ സാംപ്‌ഡോറിയ ഗോളിയെ കീഴടക്കിയത്. 58-ാം മിനിറ്റില്‍ ഇബ്രാ തന്റെ രണ്ടാം ഗോളും നേടി.
മറ്റൊരു മത്സരത്തില്‍ എഎസ് റോമ രണ്ടിനെതിരെ മൂന്ന് ഗോളുകള്‍ക്ക് ടോറിനോയെ തോല്‍പ്പിച്ചു.
പ്രതികരിക്കാൻ ഇവിടെ എഴുതുക: