ലണ്ടന്‍: ബ്രസീലിയന്‍ മിഡ് ഫീല്‍ഡര്‍ ഫിലിപ്പ് കുടിഞ്ഞോ പ്രീമിയര്‍ ലീഗിലേക്ക് തിരിച്ചുവരാന്‍ ആഗ്രഹിക്കുന്നതായി അദ്ദേഹത്തിന്റെ ഏജന്റ് കിയ ജൂറാബ്ചിയന്‍.
ലിവര്‍പൂള്‍ താരമായിരുന്ന കുടിഞ്ഞോ 2018ിലാണ് ലാ ലിഗ ടീമയായ ബാഴ്‌സലോണയില്‍ ചേര്‍ന്നത്. ബ്രസീലിന്‍ സൂപ്പര്‍ താരം നെയ്മര്‍ പാരീസ് സെന്റ് ജര്‍മന്‍സിലേക്ക് (പിഎസ്ജി) ചേക്കേറിയ ഒഴിവിലാണ് കുടിഞ്ഞോയെ ബാഴ്‌സലോണ സ്വന്തമാക്കിയത്.
അന്ന് 105 മില്യന്‍ പൗണ്ട്‌സാണ് ബാഴ്‌സ് ലിവര്‍പൂളിന് നല്‍കിയത്. പക്ഷെ കുടിഞ്ഞോയ്ക്ക് ആ സീസണില്‍ മികവ് കാട്ടാനായില്ല. തുടര്‍ന്ന് 2019ല്‍ വായ്പ വ്യവസ്ഥയില്‍ കുടിഞ്ഞോ ബയേണ്‍ മൂണിക്കില്‍ ചേര്‍ന്നു.
കുടിഞ്ഞോ പ്രീമിയര്‍ ലീഗിലേക്ക് തിരിച്ചുവരാനാഗ്രഹിക്കുന്നു. പ്രീമിയര്‍ ലീഗില്‍ കളിക്കുന്നത് അദ്ദേഹത്തിന് ഇഷ്ടമാണെന്നും കിയ പറഞ്ഞു. മുപ്പത്തിയൊന്നുകാരനായ കുടിഞ്ഞോയെ പ്രീമിയര്‍ ലീഗ് ടീമുകളായ ചെല്‍സി, ആഴ്‌സണല്‍ തുടങ്ങിയവ നോട്ടമിടുന്നതായി റിപ്പോര്‍ട്ടുണ്ട്.
പ്രതികരിക്കാൻ ഇവിടെ എഴുതുക: