കോഴിക്കോട്: പ്രതിരോധനിര താരം മുഹമ്മദ് ആസിഫ് ഗോകുലം കേരള എഫ്‌സിയില്‍. മലയാളിയായ താരം നേപ്പാളി ക്ലബില്‍ നിന്നാണ് ഐ ലീഗ് ക്ലബ് ഗോകുലവുമായി കരാര്‍ ഒപ്പിട്ടത്. നേപ്പാളി ക്ലബ് മനങ് മര്‍ഷ്യാങ്ഡിയില്‍ നിന്നാണ് മലപ്പുറം വേങ്ങര സ്വദേശിയായ മുഹമ്മദ് ആസിഫ് ഗോകുലത്തിലേക്ക് എത്തിയത്.
എംഎസ്പിയിലൂടെ വളര്‍ന്നുവന്ന മുഹമ്മദ് ആസിഫ് നേപ്പാള്‍ ക്ലബിന് കളിക്കുന്നതിന് മുന്‍പ് കൊല്‍ക്കത്ത കസ്റ്റംസിനായും മുംബൈ ക്ലബായ ഒഎന്‍ജിസിക്കും വേണ്ടി കളിച്ചു.
ഒഎന്‍ജിസിക്ക് ഒപ്പം മുംബൈ എലൈറ്റ് ഡിവിഷന്‍ കിരീടം ഉയര്‍ത്തിയിട്ടുണ്ട് ആസിഫ്. സാറ്റ് തിരൂരിനായി കെപിഎല്ലിലും കളിച്ചിട്ടുണ്ട്. സ്വന്തം നാട്ടിലെ ക്ലബിന് വേണ്ടി ബൂട്ടു കെട്ടുന്നതില്‍ സന്തോഷം. മലബാറിയന്‍സിനു വേണ്ടി കളിക്കാനാകുന്നത് അഭിമാനമായി കരുതുന്നു, കരാര്‍ ഒപ്പുവച്ചശേഷം ഇരുപത്തിമൂന്നുകാരനായ മുഹമ്മദ് ആസിഫ് പറഞ്ഞു.
പ്രതികരിക്കാൻ ഇവിടെ എഴുതുക: