തൊടുപുഴ: കഞ്ചാവ് കടത്തിയ കേസില്‍ തേനി കമ്പം സ്വദേശിക്ക് നാല് വര്‍ഷം കഠിന തടവും 40,000 രൂപ പിഴയും ശിക്ഷ. ഉലകതേവര്‍ തെരുവില്‍ ഉത്തമപുരം വടക്കുപ്പെട്ടി കോമ്പ റോഡ് വാര്‍ഡ് മൂന്നില്‍ വിജയനെ(43) ആണ് തൊടുപുഴ എന്‍ഡിപിഎസ് പ്രത്യേക കോടതി ജഡ്ജി ശിക്ഷിച്ചത്.
3.1 കി.ഗ്രാം. കഞ്ചാവ് ആണ് പോലീസ് പിടികൂടിയത്. പിഴ അടച്ചില്ലെങ്കില്‍ രണ്ട് മാസം കൂടി കഠിന തടവിനും ശിക്ഷ വിധിച്ചു. 2016 ഏപ്രില്‍ അഞ്ചിന് കമ്പംമെട്ട് അഡീ. പോലീസ് സബ് ഇന്‍സ്പെക്ടര്‍ ആയിരുന്ന കെ.എ. ജോസിന്റെ നേതൃത്വത്തിലാണ് മൂങ്കിപ്പള്ളത്ത് നിന്ന് കേസ് പിടികൂടിയത്.
രണ്ട് പ്രതികളെയാണ് പിടികൂടിയെങ്കിലും കൂട്ട് പ്രതിയെ വെറുതെ വിട്ടിരുന്നു. പ്രതിക്കെതിരെ പോലീസ് സര്‍ക്കിള്‍ ഇന്‍സ്പെക്ടര്‍ റജി എം. കുന്നംപറമ്പില്‍ അന്വേഷണം നടത്തി കുറ്റപത്രം നല്‍കി. തൊടുപുഴ സ്പെഷ്യല്‍ കോര്‍ട്ട് പബ്ലിക് പ്രോസിക്യൂട്ടര്‍ അഡ്വ. ബി. രാജേഷ് ഹാജരായി.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: