തിരുവനന്തപുരം: കേരളത്തെ കൊലയ്ക്കു കൊടുക്കുന്ന പ്രവര്ത്തനങ്ങളാണ് കേരളത്തിന്റെ മുഖ്യമന്ത്രി പിണറായി വിജയന് നടത്തിക്കൊണ്ടിരിക്കുന്നതെന്ന് എബിവിപി. തിരുവനന്തനന്തപുരത്തും കോഴിക്കോടും പരീക്ഷക്കെത്തിയ വിദ്യാര്ഥികള്ക്കും രക്ഷിതാവിനും രോഗം സ്ഥിരീകരിച്ചിരിക്കുകയാണ്. ജനങ്ങളുടെ ജീവന് വിലകല്പ്പിക്കാതെ പരീക്ഷ നടത്താല് തീരുമാനിച്ച മുഖ്യമന്ത്രിയാണെന്ന് എബിവിപി സംസ്ഥാന സെക്രട്ടറി എംഎം ഷാജി പറഞ്ഞു.
കൊറോണ വൈറസ് വ്യാപനം രൂക്ഷമാകുന്നതിനിടെ കീം പരീക്ഷ നടത്താനുള്ള സര്ക്കാരിന്റെ ദുര്വാശിക്കെതിരെ വിദ്യാര്ഥികളും രക്ഷിതാക്കളും പ്രതിഷേധം ഉയര്ത്തിയിരുന്നു. എന്നാല് അതൊന്നും വകവയ്ക്കാതെ പരീക്ഷ നടത്താന് തീരുമാനിച്ച് ജനങ്ങളെ കൊലയ്ക്ക് കൊടുക്കുന്ന സമീപനമാണ് സര്ക്കാര് സ്വീകരിച്ചത്. കീം പരീക്ഷയെഴുതിയ വിദ്യാര്ത്ഥികള്ക്ക് ഇന്ന് രോഗം സ്ഥിരീകരിച്ച സാഹചര്യത്തില് പരീക്ഷയെഴുതാനെത്തിയ വിദ്യാര്ഥികളും അധ്യാപകരും ആശങ്കയിലാണ്. വിദ്യാര്ത്ഥികളുടെ ഭാവിക്കും ജീവനും വില കല്പിക്കാത്ത കേരളം ഭരിക്കുന്ന മുഖ്യമന്ത്രി ഇനിയെങ്കിലും അനാവശ്യ പിടിവാശികള് അവസാനിപ്പിക്കാന് തയ്യാറാവണമെന്നും എംഎം ഷാജി കൂട്ടിച്ചേര്ത്തു.
