റോം: റൊമേലു ലുകാകു അവസാന നിമിഷങ്ങളില്‍ പെനാല്‍റ്റിയിലൂടെ നേടിയ ഗോളില്‍ ഇന്റര്‍ മിലാന്‍ തോല്‍വിയില്‍ നിന്ന് കരകയറി. സീരി എയില്‍ റോമയുമായി അവര്‍ സമനില പിടിച്ചു. ഇരു ടീമുകളും രണ്ട് ഗോള്‍ വീതം നേടി.
പതിനഞ്ചാം മിനിറ്റില്‍ സ്‌റ്റെഫാന്‍ ഡി വിര്‍ജ് ഇന്റര്‍ മിലാനെ മുന്നിലെത്തിച്ചു. എന്നാല്‍ ശക്തമായി തിരിച്ചടിച്ച റോമ ആദ്യ പകുതിയുടെ അവസാന നിമിഷങ്ങളില്‍ ഗോള്‍ മടക്കി. സ്പിനാസോളയാണ് സ്‌കോര്‍ ചെയ്തത്. 57-ാം മിനിറ്റില്‍ ഹെന്റിക്ക് ഗോള്‍ നേടി റോമയെ മുന്നിലെത്തിച്ചു. തുടര്‍ന്ന് തോല്‍വിയിലേക്ക് നീങ്ങിയ ഇന്റര്‍ മിലാന്‍ കളി അവസാനിക്കാന്‍ രണ്ട് മിനിറ്റ് ശേഷിക്കെ പെനാല്‍റ്റിയിലൂടെ സ്‌കോര്‍ ചെയ്ത ഇന്ററിന് സമനിലയൊരുക്കി.
പ്രതികരിക്കാൻ ഇവിടെ എഴുതുക: