ലണ്ടന്‍: എഫ്എ കപ്പിന്റെ ഫൈനലില്‍ ചെല്‍സി അടുത്ത മാസം ഒന്നിന് ആഴ്‌സണലിനെ നേരിടും. വെംബ്ലിയിലാണ് കലാശക്കളി. മാഞ്ചസ്റ്റര്‍ യുണൈറ്റഡിനെ ഒന്നിനെതിരെ മൂന്ന് ഗോളുകള്‍ക്ക് തോല്‍പ്പിച്ചാണ് ചെല്‍സി ഫൈനലിലെത്തിയത്. ആദ്യ സെമിയില്‍ ആഴ്‌സണല്‍ മാഞ്ചസ്റ്റര്‍ സിറ്റിയെ അട്ടിമറിച്ചു.
മാഞ്ചസ്റ്റര്‍ യുണൈറ്റഡ് ഗോളില്‍ ഡേവിഡ് ഡി ഗീയുടെ രണ്ട് പിഴവുകളും ഹാരി മാഗ്യൂറിയുടെ സെല്‍ഫ് ഗോളുമാണ് ചെല്‍സിക്ക് ഫൈനലിലേക്കുള്ള വഴിയൊരുക്കിയത്.
ആദ്യ പകുതിയുടെ അവസാന നിമിഷങ്ങളില്‍ ചെല്‍സി ലീഡ് നേടി. സീസര്‍ നല്‍കിയ ക്രോസ് ജിറൗഡ് യുണൈറ്റഡിന്റെ ഗോള്‍ പോസ്റ്റിലേക്ക് പായിച്ചു. പന്ത് ഗോളി ഡേവിഡ് ഗീയുടെ കൈകളില്‍ നിന്ന് ചോര്‍ന്ന് വലയിലേക്ക് കയറി.
രണ്ടാം പകുതിയുടെ ആദ്യ മിനിറ്റില്‍ തന്നെ ചെല്‍സി ലീഡ് ഉയര്‍ത്തി. ഇത്തവണയും ഗീയുടെ പിഴവാണ് ഗോളിന് വഴിയൊരുക്കിയത്. ഗോള്‍മുഖത്തേക്ക് ഉയര്‍ന്നുവന്ന മേസണ്‍ മൗണ്ടിന്റെ ഷോട്ട് യുണൈറ്റഡ് ഗോളി ഗീക്ക് അനായാസം കൈപ്പിടിയിലാതുക്കാമായിരുന്നു. പക്ഷെ ഗീയുടെ കൈയില്‍ തട്ടി പന്ത് വലയിലായി.
ഏഴൂപത്തിയഞ്ചാം മിനിറ്റില്‍ മാഗ്യൂറി സെല്‍ഫ് ഗോള്‍ വഴങ്ങിയതോടെ യുണൈറ്റഡിന്റെ ലീഡ് 3-0 ആയി. കളിയവസാനിക്കാന്‍ അഞ്ചു മിനിറ്റ് ശേഷിക്കെ യുണൈറ്റഡ് ഒരു ഗോള്‍ മടക്കി. പെനാല്‍റ്റിയിലൂടെ ബ്രൂണോ ഫെര്‍ണാണ്ടസാണ് സ്‌കോര്‍ ചെയ്തത്.
പ്രതികരിക്കാൻ ഇവിടെ എഴുതുക: