കൊല്ലം: സെക്രട്ടേറിയറ്റില് വിഎസിന് ഒരു കസേര പോലും നല്കാത്ത പിണറായി സ്വപ്നയ്ക്കുവേണ്ടി വിരിച്ചത് സ്വര്ണപരവതാനിയാണെന്ന് ബിജെപി സംസ്ഥാനവക്താവ് അഡ്വ. നാരായണന് നമ്പൂതിരി. സ്വര്ണക്കടത്ത് കേസില് മുഖ്യമന്ത്രിയുടെ രാജി ആവശ്യപ്പെട്ട് ബിജെപി ജില്ലാകമ്മിറ്റി ചിന്നക്കടയില് സംഘടിപ്പിച്ച ഏകദിന സത്യഗ്രഹസഭ ഉദ്ഘാടനം ചെയ്യുകയായിരുന്നു അദ്ദേഹം.
മാഫിയകള്ക്ക് ഗുണമുള്ള ഭരണമാണിത്. വിദേശ സഹായത്തിന് നേരിട്ട് ബന്ധപ്പെട്ടത് മന്ത്രി ജലീലാണ്. ജലീലിന്റെ വാദങ്ങള് വിശ്വാസയോഗ്യമല്ല. മന്ത്രിയുടെ ആറുമാസത്തെ ഫോണ്രേഖകള് പരിശോധിക്കണം. തീവ്രവാദപ്രവര്ത്തനങ്ങള്ക്ക് ഒത്താശ ചെയ്യാന് രണ്ടുമുന്നണികളും മത്സരിക്കുകയാണെന്നും അദ്ദേഹം പറഞ്ഞു.
ജില്ലാ അദ്ധ്യക്ഷന് ബി.ബി ഗോപകുമാര് അദ്ധ്യക്ഷനായി. സംസ്ഥാന സെക്രട്ടറി രാജിപ്രസാദ്, ജില്ലാ ജനറല്സെക്രട്ടറി ബി. ശ്രീകുമാര്, നേതാക്കളായ എ.ജി. ശ്രീകുമാര്, വി.എസ്. ജിതിന്ദേവ്, കെ. സോമന്, സുനില്കുമാര്, മന്ദിരംശ്രീനാഥ്, സി. തമ്പി, ശിവദാസന്, വിഷ്ണു പട്ടത്താനം, നെടുമ്പന ശിവന്, ബിറ്റി സുധീര്, സാംരാജ്, സി.ബി. പ്രതീഷ്, ശൈലേന്ദ്രബാബു, ജയപ്രശാന്ത്, കെ.ആര്. രാജേഷ്, വയയ്ക്കല് സോമന്, അജയന് ചവറ, കെ. നരേന്ദ്രന്, കെ.ആര്. രാധാകൃഷ്ണന്, സുരേഷ് പാപ്പാടി, ശിവദാസന്, അജയന്, ഗിരിജാ മനോഹര് എന്നിവര് സംസാരിച്ചു.
