ലണ്ടന്‍: പ്രീമിയര്‍ ലീഗില്‍ ജയം തുടര്‍ന്ന് മാഞ്ചസ്റ്റര്‍ സിറ്റി. എത്തിഹാദ് സ്‌റ്റേഡിയത്തില്‍ നടന്ന ശക്തമായ പോരാട്ടത്തില്‍ സിറ്റി ഒന്നിനെതിരെ രണ്ട് ഗോളുകള്‍ക്ക് ബേണ്‍മൗത്തിനെ പരാജയപ്പെടുത്തി. സിറ്റിയുടെ തുടര്‍ച്ചയായ മൂന്നാം വിജയമാണിത്.
ഐമെറിക് ലപോര്‍ട്ടെ, കെവിന്‍ ഡു ബ്രൂയിന്‍, റഹീം സ്റ്റര്‍ലിങ്, റിയാദ് മെഹ്‌റസ് എന്നിവരെ ഒഴിവാക്കിയാണ് മാഞ്ചസ്റ്റര്‍ സിറ്റി ബേണ്‍മൗത്തിനെതിരെ കളിക്കളത്തിലിറങ്ങിയത്.
ആറാം മിനിറ്റില്‍ ഡേവിഡ് സില്‍വയുടെ ഗോളില്‍ സിറ്റി മുന്നിലെത്തി. ഇടവേളയ്‌ക്ക് ആറു മിനിറ്റ് ശേഷിക്കെ സിറ്റി രണ്ടാം ഗോളും നേടി. ഗബ്രീയേല്‍ ജീസസാണ് ഗോള്‍ അടിച്ചത്. കളി അവസാനിക്കാന്‍ രണ്ട് മിനിറ്റുള്ളപ്പോള്‍ ബേണ്‍മൗത്തിന്റെ ബ്രൂക്ക്‌സ് ഒരു ഗോള്‍ മടക്കി. ഈ വിജയത്തോടെ സിറ്റി 36 മത്സരങ്ങളില്‍ 75 പോയിന്റുനേടി രണ്ടാം സ്ഥാനത്ത് തുടരുകയാണ്.
പ്രതികരിക്കാൻ ഇവിടെ എഴുതുക: