ലണ്ടന്‍: പ്രീമിയര്‍ ലീഗില്‍ ഒലിവര്‍ ജിറൗഡിന്റെ ഗോളില്‍ നോര്‍വിച്ച് സിറ്റിയെ തോല്‍പ്പിച്ച് ചെല്‍സി ചാമ്പ്യന്‍സ് ലീഗിന് യോഗ്യത നേടാനുള്ള സാധ്യത സജീവമാക്കി. ഏകപക്ഷീയമായ ഒരു ഗോളിന് വിജയം നേടിയ ചെല്‍സി മുപ്പത്തിയാറ് മത്സരങ്ങളില്‍ 63 പോയിന്റുമായി മൂന്നാം സ്ഥാനത്താണ്. 35 മത്സരങ്ങളില്‍ 59 പോയിന്റുള്ള ലെസ്റ്റര്‍ സിറ്റിയാണ് നാലാം സ്ഥാനത്ത്.
പോയിന്റ് നിലയില്‍ ആദ്യ നാല് സ്ഥാനങ്ങള്‍ നേടുന്ന ടീമുകള്‍ക്കാണ് അടുത്ത വര്‍ഷത്തെ ചാമ്പ്യന്‍സ് ലീഗില്‍ കളിക്കാന്‍ അര്‍ഹത ലഭിക്കുക.
ആദ്യ പകുതിയുടെ അവസാന നിമിഷങ്ങളിലാണ് ജിറൗഡ് നിര്‍ണായക ഗോള്‍ നേടിയത്. ക്രിസ്റ്റിയന്‍ പുലിസിച്ച് നല്‍കിയ ക്രോസില്‍ തലവച്ച് ജിറൗഡ് പന്ത് നോര്‍വിച്ച സിറ്റിയുടെ വലയിലാക്കി. ഏഴു മത്സരങ്ങളില്‍ ജിറൗഡിന്റെ നാലാം ഗോളാണിത്.
പ്രതികരിക്കാൻ ഇവിടെ എഴുതുക: