ദുബൈയ്: ഗള്ഫ് കേന്ദ്രീകരിച്ച് നടക്കുന്ന അധോലോക പ്രവര്ത്തനങ്ങളുടെ കേന്ദ്രം സാന്സ് ബാറുകള്. കുഴല് പണം, സ്വര്ണ്ണം കടത്ത്, മനഷ്യക്കടത്ത് തുടങ്ങി നിയമവിരുദ്ധ പ്രവര്ത്തികളില് ഏര്പ്പെട്ടിരിക്കുന്നവര് ഒന്നിച്ചു ചേരുന്ന സ്ഥലം സാന്സ് ബാറുകളാണ്. പെണ്ണും പണവും കൊടുത്ത് പ്രാദേശികമായി സ്വാധിനമുള്ള അറബികളെ സ്വാധീനിക്കുന്നതിനാല് അനധികൃമായി നടക്കുന്ന ബാറുകളെ പോലും അധികൃതര് തൊടില്ല. കേരളത്തില് ബാര് മുതലാളിമാര്ക്കുള്ളതിനേക്കാള് സ്വാധിനം ഗള്ഫില് ഡാന്സ് ബാര് ഉടമകള്ക്കുണ്ട്.
മലയാളികളായ നിരവധി പേര് ദുബായി ഉള്പ്പെടെയുള്ള സ്ഥലങ്ങളില് സാന്സ് ബാര് മുതലാളിമാരായുണ്ട്. കൊടിയേരി ബാലൃഷ്ണന്റെ മക്കള്ക്ക് ഡാന്സ്ബാര് ഉള്ളകാര്യം അടുത്ത കാലത്താണ് പുറത്തായത്. തിരുവനന്തപുരം വിമാനത്താവളത്തില് മദ്യലഹരിയില് ഉദ്യോഗസ്ഥനെ പരസ്യമായി തല്ലിയ കൊല്ലം സ്വദേശിയും ഡാന്സ് ബാര് ഉടമയായിരുന്നു. സ്വര്ണ്ണ കള്ളക്കടത്ത് കേസില് മുഖ്യകണ്ണിയായി പറയുന്ന സ്വപ്ന സുരേഷും സാന്സ് ബാര് നടത്തിയാണ് സ്വാധീനവും സമ്പത്തും ഉണ്ടാക്കിയത്.
നിയമപരമായി നടത്തിയാല് തന്നെ വന് ലാഭമുണ്ടാക്കുന്ന ബിസിനസ്സാണ് ഡാന്സ് ബാര്. എന്നാല് ബാറിന്റെ മറവില് ലൈംഗിക കച്ചവടം നടത്തി കൊള്ള ലാഭം ഉണ്ടാക്കുന്നവരാണ് ഏറെയും. പെണ്കുട്ടികളെ എത്തിക്കുന്ന വന് റാക്കറ്റു തന്നെ ഉണ്ട്.
