പാലക്കാട്: സ്കൂട്ടറിലെത്തി വീട്ടമ്മയുടെ മാല പൊട്ടിക്കാന് ശ്രമിച്ച കേസിലെ പ്രതികള് പിടിയില്. എടുപ്പുകുളം സ്വദേശികളായ രാജീവ് കോളനി ജിഷ്ണു(തക്കാളി)(19), പെരുമാള് അടിക്കളം രജീഷ് എന്ന അപ്പു(19) എന്നിവരെയാണ് കസബ പോലീസ് അറസ്റ്റ് ചെയ്തത്.
ചൊവ്വാഴ്ച വൈകിട്ട് അഞ്ചരക്ക് എലപ്പുള്ളി തേനാരി തോട്ടമ്പുള്ള കൈലാസന്റെ ഭാര്യ പ്രിയ(33)യുടെ മാലയാണ് പൊട്ടിക്കാന് ശ്രമിച്ചത്. കഞ്ചിക്കോട് പാറ്റ്സ്പിന് കമ്പനിയില് നിന്നും ജോലി കഴിഞ്ഞ് വീട്ടിലേക്ക് നടന്നു പോകുമ്പോള് നോമ്പിക്കോട് വെട്ടിക്കുളമ്പ് വെച്ച് സ്കൂട്ടറിലെത്തിയ പ്രതികള് പ്രിയയുടെ കഴുത്തിലെ നാലര പവന്റെ സ്വര്ണ മാല പൊട്ടിക്കാന് ശ്രമിക്കുകയായിരുന്നു.
സിസിടിവി ദൃശ്യങ്ങളില് നിന്ന് ലഭിച്ച വിവരത്തിന്റെ അടിസ്ഥാനത്തില് നടത്തിയ തിരച്ചിലാണ് പ്രതികള് കുടുങ്ങിയത്. പ്രതികള് ഉപയോഗിച്ച വാഹനവും കണ്ടെത്തി. കസബ പോലീസ് ഇന്സ്പെക്ടര് എന്. എസ്. രാജീവ്, സബ് ഇന്സ്പെക്ടര് വിപിന് കെ വേണുഗോപാല് എന്നിവരുടെ നേതൃത്വത്തിലാണ് പ്രതികളെ കണ്ടെത്തിയത്. സബ് ഇന്സ്പെക്ടര് പി. ജി. സദാനന്ദന്, അസി സബ് ഇന്സ്പെക്ടര്മാരായ സുരേഷ് കുമാര്, സീനിയര് സിപിഒ യു അജീഷ് എന്നിവരും അന്വേഷണസംഘത്തിലുണ്ടായിരുന്നു.
