ലണ്ടന്: അഞ്ചു ഗോളുകള് പിറന്ന ആവേശപ്പോരാട്ടത്തില് ക്രിസ്റ്റല് പാലസിനെ മുക്കി ചെല്സി പ്രീമിയര് ലീഗില് മൂന്നാം സ്ഥാനത്തേക്ക് കുതിച്ചുകയറി. സെല്ഹസ്റ്റ് പാര്ക്കില് നടത്ത പോരാട്ടത്തില് രണ്ടിനെതിരെ മൂന്ന് ഗോളുകള്ക്കാണ് ചെല്സി ജയിച്ചുകയറിയത്. ഈ വിജയത്തോടെ ചെല്സി 34 മത്സരങ്ങളില് 60 പോയിന്റുമായി മൂന്നാം സ്ഥാനത്തെത്തി. 34 മത്സരങ്ങളില് 59 പോയിന്റുമായി ലെസ്റ്റര് സിറ്റിയാണ് നാലാം സ്ഥാനത്ത്.
ഒലിവര് ജിറൂദ്, ക്രിസ്റ്റ്യന് പുലിസിച്ച്, ടാമി എബ്രഹാം എന്നിവരാണ് ചെല്സിക്കായി ഗോളുകള് നേടിയത്. ചെല്സിക്കൊപ്പം പൊരുതി മുന്നേറിയ ക്രിസ്റ്റല് പാലസിനായി വില്ഫ്രെഡ് സാഹ, ക്രിസ്റ്റിയന് ബെന്ടേക്ക് എന്നിവര് ഗോളടിച്ചു.
മറ്റൊരു മത്സരത്തില് ലെസ്റ്റര് സിറ്റി ആഴ്സണലിനെ സമനിലയില് തളച്ചു. ഇരുപത്തിയൊന്നാം മിനിറ്റില് ഔബേമേയാംഗ് ആഴ്സണലിനെ മുന്നിലെത്തിച്ചു. ഇടവേളയ്ക്ക് അവര് 1-0 ്ന് മുന്നിട്ടുനിന്നു. പക്ഷെ കളിയവസാനിക്കാന് ആറു മിനിറ്റ് ശേഷിക്കെ ജെയ്മി വാര്ഡിയുടെ ഗോളില് ലെസ്റ്റര് സിറ്റി സമനില പിടിച്ചു. ഈ സമനിലയോടെ 34 മത്സരങ്ങളില് അമ്പത് പോയിന്റ് നേടിയ ആഴ്സണല് ഏഴാം സ്ഥാനത്താണ്.
ജന്മഭൂമി ഓണ്ലൈന്