തിരുവനന്തപുരം: സിപിഎം നേതാവും ആറ്റിങ്ങല്‍ എംഎല്‍എയുമായ അഡ്വ.ബി സത്യനെതിരെ കൊറോണ പ്രോട്ടോകോള്‍ ലംഘിച്ചതിന് കേസെടുക്കാന്‍ നിര്‍ദ്ദേശം. ആറ്റിങ്ങല്‍ ജുഡീഷ്യല്‍ മജിസ്ട്രേറ്റ് കോടതിയുടേതാണ് ഉത്തരവ്. ലീഡര്‍ സാംസ്‌കാരിക വേദി നല്‍കിയ ഹര്‍ജിയുടെ അടിസ്ഥാനത്തിലാണ് കേസെടുക്കാന്‍ നിര്‍ദ്ദേശിച്ചിരിക്കുന്നത്.
ജൂണ്‍ പത്തിന് ആറ്റിങ്ങല്‍ കുഴിമുക്കിന് സമീപം കാരക്കാച്ചി കുളം നവീകരണ പരിപാടി സിപിഎം സംഘടിപ്പിച്ചിരുന്നു. ഇതില്‍ കൊവിഡ് പ്രോട്ടോക്കോള്‍ ലംഘിച്ച് നിരവധി പേര്‍ പങ്കെടുത്തിരുന്നുവെന്നാണ് പരാതി. ആറ്റിങ്ങല്‍ നഗലരസഭാ വൈസ് ചെയര്‍പേഴ്സണ്‍ ആര്‍.എസ്. രേഖ, മുന്‍ ചെയര്‍മാനും കൗണ്‍സിലറുമായ സി.ജെ. രാജേഷ് കുമാര്‍ തുടങ്ങി പരിപാടിയില്‍ പങ്കെടുത്ത നൂറോളം പേര്‍ക്കെതിരെയാണ് കേസെടുക്കാനാണ് നിര്‍ദ്ദേശം. രാഷ്‌ട്രീയപ്രേരിതമായ പരാതിയുടെ പേരിലാണ് കേസെടുക്കുന്നതെന്ന് ബി.സത്യന്‍ എംഎല്‍എ പ്രതികരിച്ചു.
പ്രതികരിക്കാൻ ഇവിടെ എഴുതുക: