കോട്ടയം: തട്ടുകയുടെ മറവില് വ്യാപകമായി റോഡ് കയ്യേറുന്നതായി നാട്ടുകാരുടെ പരാതി. കോട്ടയം-പുതുപ്പള്ളി റോഡില് മാങ്ങാനം മക്രോണിയില് പെട്രോള് പമ്പിന് സമീപമാണ് റോഡിന്റെ ഇരുവശവും കയ്യേറി തട്ടുകടകള് സ്ഥാപിച്ചിരിക്കുന്നത്.
പാതയുടെ ഇരുവശവും ആദ്യം കയ്യേറി തട്ടുകടകള് സ്ഥാപിച്ച ശേഷം കടകള് ഇരുപത്തി അയ്യായിരം മുതല് ഒരു ലക്ഷം രൂപക്ക് വരെ മറിച്ചു വില്ക്കുന്നു. തട്ടുകടകള് മറിച്ചു വിറ്റതിന് ശേഷം അടുത്ത സ്ഥലം കയ്യേറി അവിടെയും തട്ടുകടകള് സ്ഥാപിക്കുന്നു. പിന്നീട് കടകള് വിപുലീകരിക്കുകയും താമസം തുടങ്ങുകയും ചെയ്യുന്നു. കയ്യേറ്റം റോഡിലേക്ക് ഇറങ്ങി വാഹനയാത്ര ദുഷ്കരമാകുന്നു.
ഇരുവശത്തുനിന്നും വാഹനങ്ങള് വന്നാല് കടന്നുപോരാന് ഏറെ ബുദ്ധിമുട്ടാണ്. മാത്രമല്ല കാല് നടയാത്രക്കാര്ക്ക് ബുദ്ധിമുട്ട് അനുഭവിക്കുന്നതായും നാട്ടുകാര് പരാതിപ്പെടുന്നു. കയ്യേറ്റത്തിനെതിരെ നടപടിവേണമെന്നാണ് നാട്ടുകാരുടെ ആവശ്യം.
