തൊടുപുഴ: അമിതമായ വൈദ്യുതി ബില്ലിനെതിരെ ബിജെപി വെള്ളിയാമറ്റം ആലക്കോട് പഞ്ചായത്ത് കമ്മിറ്റികളുടെ സംയുക്ത ആഭിമുഖ്യത്തില് ആലക്കോട് കെഎസ്ഇബി ഓഫീസിനുമുന്നില് ധര്ണ്ണ നടത്തി.
ബിജെപി ഇടുക്കി ജില്ലാ പ്രസിഡന്റ് കെ.എസ്. അജി ധര്ണ ഉദ്ഘാടനം ചെയ്തു. കൊറോണ മൂലം ദുരിതമനുഭവിക്കുന്ന ജനങ്ങളെ പകല്കൊള്ള നടത്തുകയാണ് അക്ഷരാര്ത്ഥത്തില് സംസ്ഥാന സര്ക്കാരും കെഎസ്ഇബിയും ചെയ്തിരിക്കുന്നതെന്ന് അദ്ദേഹം സമരം ഉദ്ഘാടനം ചെയ്തു പറഞ്ഞു.
പലര്ക്കും സാധാരണയില് നിന്നും മൂന്നും നാലും ഇരട്ടിയിലേറെ ബില്ലുകളാണ് വന്നിരിക്കുന്നത്. വര്ദ്ധിപ്പിച്ച ബില്ല് ഉടന് പിന്വലിച്ചില്ലെങ്കില് ശക്തമായ സമര പരിപാടികളുമായി മുന്നോട്ടുപോകുമെന്ന് ധര്ണയില് സംസാരിച്ച ബിജെപി തൊടുപുഴ നിയോജക മണ്ഡലം പ്രസിഡന്റ് പ്രസാദ് വണ്ണപ്പുറം പറഞ്ഞു.
സമരത്തില് ബിജെപി തൊടുപുഴ നിയോജകമണ്ഡലം ജനറല് സെക്രട്ടറി എന്.കെ. അബു, സെക്രട്ടറി ഗിരീഷ് പൂമാല, എസ്റ്റി മോര്ച്ച മണ്ഡലം പ്രസിഡന്റ് കെ.എസ്. റെജി തുടങ്ങിയ നിരവധി നേതാക്കള് പങ്കെടുത്തു.
