ഒറ്റപ്പാലം:ഇ പോസ് യന്ത്രത്തിലെ തകരാര് മൂലം ഒറ്റപ്പാലം താലൂക്കിലെ റേഷന് കടകള് അടച്ചിട്ട് പ്രതിഷേധിച്ചു. പോസ് യന്ത്രങ്ങള് കൃത്യമായി പ്രവര്ത്തിക്കാത്തതാണ് പ്രതിഷേധത്തിന് കാരണം. ഒ ടി പി വരാത്തതടക്കമുള്ള പ്രശ്നങ്ങള് 15 ദിവസത്തിലധികമായി തുടരുകയാണെന്നും നിരവധി തവണ പരാതി പറഞ്ഞിട്ടും പരിഹരിക്കാത്ത സാഹചര്യത്തിലാണ് ഇന്നലെ ഉച്ചക്ക് ശേഷം റേഷന് കടകള് അടച്ചിട്ട് പ്രതിഷേധിച്ചത്.
താലൂക്കിലെ 149 റേഷന് കടകളില് ഭൂരിഭാഗവും ഉച്ചക്ക് ശേഷം അടച്ചിട്ടു.എല്ലാ ദിവസവും രാവിലെ മൂന്ന് നാല് പേര്ക്ക് മാത്രമേറേഷന് വിതരണം നടത്താന് കഴിയുന്നുള്ളൂ. പിന്നീട് യന്ത്രം തകരാറിലാകും.ഇതിന് ശേഷം വിതരണം നടത്താന് കഴിയാത്ത അവസ്ഥയാണെന്ന് റേഷന് ഡീലേഴ്സ് അസോസിയേഷന് ജില്ലാ സെക്രട്ടറി എ.രാധാകൃഷ്ണന് അറിയിച്ചു.സംഭവം ജില്ലാ സപ്ലൈ ഓഫീസറെ അറിയിച്ചിട്ടുണ്ടെന്നും നടപടി ഉണ്ടാകുമെന്നും താലൂക്ക് സപ്ലൈ ഓഫീസര് സുമ പറഞ്ഞു.
