തിരുവനന്തപുരം: ക്ഷേത്രങ്ങള് തുറക്കാനുള്ള സര്ക്കാര് പിടിവാശി ദുരൂഹമെന്ന് ബിജെപി വക്താവ് അഡ്വ. ബി. ഗോപാലകൃഷ്ണന്. ദേവസ്വം അധികാരികള്ക്ക് ശമ്പളവും കിമ്പളവും കിട്ടാനും നേടാനുമുള്ള ധൃതിയാണ് ദേവസ്വങ്ങളുടെ താല്പ്പര്യം. തബ്ലിഗിനെ പോലെ ഹിന്ദു ആരാധനാലയങ്ങളെ പ്രതിക്കൂട്ടില് നിര്ത്താനുള്ള ഹിഡന് അജണ്ട സര്ക്കാര് ഉത്തരവിന് പിന്നിലുണ്ടോ എന്ന് സംശയിക്കേണ്ടിയിരിക്കുന്നെന്നും അദ്ദേഹം ഫേസ്ബുക്കില് കുറിച്ചു.
പോസ്റ്റിന്റെ പൂര്ണരൂപം- ഐഎംഎ എതിര്ത്തിട്ടുംക്ഷേത്രങ്ങള് ഭക്തര്ക്ക് വേണ്ടി തുറക്കാന് സര്ക്കാര് പിടിവാശി കാണിക്കുന്നതിന്റെ പിന്നില് ദുരൂഹത ഉണ്ട്.
ക്ഷേത്രപ്രവേശനം ഭക്തരോ ക്ഷേത്രസമിതികളോ ആവശ്യപ്പെട്ടിട്ടില്ല, എന്നിട്ടും ക്ഷേത്രം തുറക്കുന്നത് ആരോടുള്ള താല്പ്പര്യം? എന്തിനോടുള്ള ഏര്പ്പാട് എന്ന് സര്ക്കാര് വ്യക്തമാക്കണം. ഹിന്ദു സംസ്ക്കാരമനുസരിച്ച് ഈശ്വരന് തൂണിലും തുരുമ്പിലുമുണ്ട് , ഈശ്വരപ്രാര്ത്ഥന വ്യക്തിപരമാണ്.
സമൂഹ കൂട്ട പ്രാര്ത്ഥന ക്ഷേത്രങ്ങളില് ഹൈന്ദവ ആചാരപ്രകാരം ഇല്ല. ഗുരുവായൂരും ശബരിമലയും പോലെ സമ്പാദ്യം ഉള്ള ക്ഷേത്രങ്ങളില് നിന്ന് കഷ്ടപ്പെടുന്ന ക്ഷേത്രങ്ങളെ സഹായിക്കണം. അല്ലാതെ കയ്യിട്ട് വാരി സര്ക്കാര് ഫണ്ടിലേക്ക് മാറ്റുകയല്ല വേണ്ടത് . ദേവസ്വം അധികാരികള്ക്ക് ശമ്പളവും കിമ്പളവും കിട്ടാനും നേടാനുമുള്ള ധൃതിയാണ് ദേവസ്വങ്ങളുടെ താല്പ്പര്യം .തബ്ളിഗിനെ പോലെ ഹിന്ദു ആരാധനാലയങ്ങളെ പ്രതിക്കൂട്ടില് നിര്ത്താനുള്ള ഹിഡന് അജണ്ട സര്ക്കാര് ഉത്തരവിന് പിന്നിലുണ്ടോ എന്ന് സംശയിക്കേണ്ടിയിരിക്കുന്നു.
