ഗുരുവായൂര്: ഗുരുവായൂര് ക്ഷേത്രത്തില് മാനദണ്ഡങ്ങള് മറികടന്നായിരുന്നു വിവാഹങ്ങളില് പങ്കെടുത്തവരില് ബഹുഭൂരിഭാഗവും. സംഭവം പുറത്താകാതിരിക്കാന് പിന്നീട് മാധ്യമ പ്രവര്ത്തകര്ക്ക് വിവാഹ മണ്ഡപത്തിനടുത്തേക്ക് പ്രവേശനം നിഷേധിച്ചു.
ലോക്ക്ഡൗണ് മാനദണ്ഡങ്ങള് കാറ്റില്പറത്തിയാണ് ഗുരുവായൂര് ക്ഷേത്രസന്നിധിയില് ഇന്നലെ വിവാഹങ്ങള് നടന്നത്. വിവാഹ മണ്ഡപത്തിനടുത്ത് സാമൂഹിക അകലം പാലിക്കാതെ കൂടി നിന്നാണ് പല വിവാഹങ്ങളും നടന്നത്. ക്ഷേത്രപരിസരത്ത് ദേവസ്വം സെക്യൂരിറ്റി ഉദ്യോഗസ്ഥരും, ടെമ്പിള് പോലീസും നിലയുറപ്പിച്ചിരുന്ന വിവാഹ വേദിയ്ക്കരികിലാണ് ലോക്ഡൗണ് മാനദണ്ഡങ്ങള് പാലിയ്ക്കാതെ പലരും വിവാഹത്തില് പങ്കെടുത്തത്.
10-വയസ്സിന് താഴേയുള്ള കുട്ടികളേയും, പ്രായമായവരേയും വിവാഹ മണ്ഡപത്തിനടുത്തേക്ക് പ്രവേശിപ്പിക്കില്ലെന്നായിരുന്നു ദേവസ്വത്തിന്റെ അറിയിപ്പ്. എന്നാല് ഇതെല്ലാം ലംഘിക്കപ്പെട്ടു.
