കടവല്ലൂര്‍ :കടവല്ലൂരില്‍ സിപിഎമ്മില്‍ നിന്നും കോണ്‍ഗ്രസ്സില്‍ നിന്നും 15 ഓളം കുടംബങ്ങള്‍ബിജെപിയില്‍ ചേര്‍ന്നു. കടവല്ലൂര്‍ പഞ്ചായത്തിലെ തിപ്പലശ്ശേരിയിലാണ് സിപിഎമ്മില്‍ നിന്നും , കോണ്‍ഗ്രസ്സില്‍ നിന്നും 15 ഓളം കുടുംബങ്ങള്‍ ബിജെപിയില്‍ ചേര്‍ന്നത്. ഇവരെ ബിജെപി ജില്ലാ പ്രസിഡണ്ട് അഡ്വ. കെ കെ അനീഷ് കുമാര്‍ ഷാള്‍ അണിയിച്ച് സ്വീകരിച്ചു.
കടവല്ലൂര്‍ പഞ്ചായത്ത് കമ്മിറ്റി പ്രസിസന്റ് എം.കെ.ശങ്കരനാരായണന്‍ അധ്യക്ഷത വഹിച്ചു. മണ്ഡലം ജന.സെക്രട്ടറി പി.ജെ.ജെബിന്‍, വൈസ് പ്രസിഡന്റ് ജിത്തു തയ്യൂര്‍, യുവമോര്‍ച്ച മണ്ഡലം പ്രസിഡന്റ് രാജേഷ് കുട്ടഞ്ചേരി, രഞ്ജിത്ത് വെങ്ങാശ്ശേരി, പി.എല്‍.ധനീഷ് എന്നിവര്‍ പങ്കെടുത്തു.
ബിജെപി ജില്ലാ പ്രസിഡന്റ് അഡ്വ കെ.കെ.അനീഷ് കുമാര്‍ സിപിഎം രക്ത സാക്ഷിയായ എ.ബി .ബിജേഷിന്റെ വീട് സന്ദര്‍ശിക്കുകയും ചെയ്തു.മേഖലയില്‍ ബിജേഷിന്റെ കൊലപാതകത്തിനു പിന്നില്‍ പ്രവര്‍ത്തിച്ച എസ് ഡി പി ഐയില്‍ നിന്നും പ്രവര്‍ത്തകര്‍ അടുത്തിടെ സിപിഎമ്മില്‍ ചേര്‍ന്നിരുന്നു.
പ്രതികരിക്കാൻ ഇവിടെ എഴുതുക: