കോട്ടപ്പാറ: കാസര്‍കോട് ജില്ലയുടെ മുപ്പത്തിയാറാം പിറന്നാള്‍ ദിനത്തോടനുബന്ധിച്ച് പ്രതിരോധ പ്രവര്‍ത്തനം ശക്തിപ്പെടുത്തുന്നതിന്റെ ഭാഗമായി മടിക്കൈ പഞ്ചായത്ത് ഒന്നാം വാര്‍ഡ് വാഴക്കോട്, ബിജെപി വാഴക്കോട് ബൂത്ത് കമ്മറ്റിയുടെ നേതൃത്വത്തില്‍ വാര്‍ഡ് തലത്തില്‍ നടന്ന മാസ്‌കുകളുടെ വിതരണ ഉദ്ഘാടനം വാഴക്കോട് സുബ്രഹ്മണ്യസ്വാമി ക്ഷേത്രത്തില്‍ ഞായറാഴ്ച വിവാഹിതരായ വി.പ്രശാന്തിനും, എ.അശ്വതിക്കും നല്‍കി ബിജെപി ജില്ലാ ജനറല്‍ സെക്രട്ടറി എ.വേലായുധന്‍ നിര്‍വ്വഹിച്ചു.
വാര്‍ഡ് അംഗം ബിജി ബാബു അധ്യക്ഷത വഹിച്ചു. ഒബിസി മോര്‍ച്ച ജില്ലാ ട്രഷറര്‍ കെ.മോഹനന്‍, മണ്ഡലം വൈസ് പ്രസിഡണ്ട് സന്തോഷ് തീയ്യാര്‍താനം, ബൂത്ത് പ്രസിഡണ്ട് ടി.ചന്ദ്രന്‍, ജനറല്‍ സെക്രട്ടറിമാരായ സി.കുമാരന്‍, വിനോദ് ശിവജി നഗര്‍, ബൂത്ത് വൈസ് പ്രസിഡണ്ട് വി.കെ.ഗോപി, പി. കേളു, എം.കുമാരന്‍ എന്നിവര്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: