കുവൈത്ത്: കൊറോണ വൈറസ് പ്രതിസന്ധിയില് എണ്ണയ്ക്ക് ആവശ്യക്കാരില്ലാതായതോടെ വെട്ടിലായി കുവൈത്തും സൗദിയും. ഇരു രാജ്യങ്ങളും എണ്ണ ഉത്പ്പാദം നിര്ത്തിവെയ്ക്കാന് തീരുമാനിച്ചു.
കുവൈത്തിന്റേയും സൗദിയുടേയും അതിര്ത്തിയായ ന്യൂട്രല് സോണിലെ എണ്ണ ഖനനമാണ് താത്കാലികമായി നിര്ത്തിവെയ്ക്കുന്നത്. ലോക്ഡൗണ് മൂലം എണ്ണയുടെ ഉപഭോഗം കുത്തനെ കുറയുകയായിരുന്നു. അവശ്യക്കാരില്ലാതെ ഖനനം ചെയ്തിട്ട് പ്രയോജനമില്ലെന്ന വിലയിരുത്തലിലാണ് ഇരുരാജ്യങ്ങളും ഉത്പ്പാദനം നിര്ത്തിവെയ്ക്കാന് തീരുമാനിച്ചത്. ലോക്ഡൗണ് തീര്ന്ന് പഴയതുപോലെ ആവശ്യക്കാര് വരുമ്പോള് തുടങ്ങാം.
ന്യൂട്രല് സോണില് നാലുവര്ഷത്തോളമായി എണ്ണ ഖനനം നിര്ത്തിവെച്ചിരിക്കുകയായിരുന്നു. സൗദിയിലെ ഖഫ്ജി, കുവൈത്തിലെ വഫ്റ എണ്ണപ്പാടങ്ങള് ഉള്പ്പെടുന്ന അതിര്ത്തി ഈ പ്രദേശത്ത് കഴിഞ്ഞ ഫെബ്രുവരി മുതലാണ് ഇരുരാദ്യങ്ങളും സംയുക്ത എണ്ണ ഖനനം പുനരാരംഭിച്ചത്. തുടര്ന്ന് ഏപ്രിലില് പെട്രോളിയം കയറ്റുമതിയും ആരംഭിച്ചു. എന്നാല് കൊറോണ വൈറസ് വ്യാപകമാവുകയും ലോക്ഡൗണ് ഏര്പ്പെടുത്തുകയുമായിരുന്നു. അതോടെ എണ്ണവിലയും കൂപ്പുകുത്തി.
ന്യൂട്രല് സോണിലെ റിഫൈനറിയില് പ്രതിദിനം പ്രതിദിനം അഞ്ചുലക്ഷം ബാരല് എണ്ണ ഉത്പാദിപ്പിക്കാന് ശേഷിയുണ്ട്. 5770 ചതുരശ്ര കലോമീറ്ററാണ് ന്യൂട്രല് സോണ്. 1922ല് ഉഖൈര് കണ്വെന്ഷനില് അതിര്ത്തി നിര്ണയിച്ചപ്പോള് ഈ ഭാഗം അതുപോലെ നിറുത്തുകയായിരുന്നു.
