മുംബൈ: ഭാവിയില്‍ ഇന്ത്യയ്ക്ക് വേണ്ടി മത്സരം വിജയിപ്പിക്കാന്‍ കഴിവുള്ള ബൗളറായി അര്‍ജുന്‍ ടെന്‍ഡുല്‍ക്കര്‍ മാറുമെന്ന് ഇന്ത്യയുടെ മുന്‍ പേസര്‍ എസ്. ശ്രീശാന്ത്. റെഡിഫിന് നല്‍കിയ അഭിമുഖത്തിലാണ് അദ്ദേഹം ഈ കാര്യം വ്യക്തമാക്കിയത്.
ഇന്ത്യന്‍ ഇതിഹാസം സച്ചിന്‍ ടെന്‍ഡുല്‍ക്കറുടെ മകനായതു കൊണ്ട് തന്നെ അദ്ദേഹത്തില്‍ സമ്മര്‍ദ്ദം ഏറെയാണെന്നും രണ്ട് പേരേയും തമ്മില്‍ താരതമ്യം ചെയ്യരുതെന്നും അദ്ദേഹം പറഞ്ഞു. അര്‍ജുന്റേത് മികച്ച ബോളിങ് ആക്ഷനാണെന്നും രാജ്യത്തിന് വേണ്ടി കുറച്ച് മത്സരങ്ങള്‍ കളിച്ചു കഴിയുമ്പോള്‍ തന്നെ അര്‍ജുന്‍ പൂര്‍ണമായും വ്യത്യസ്തനായ ബോളറായി മാറുമെന്നും ശ്രീശാന്ത് പറഞ്ഞു.
മുഹമ്മദ് ഷമി, ജസ്പ്രീത് ബുംറ, ഇഷാന്ത് ശര്‍മ്മ, ഉമേഷ് യാദവ് എന്നിവരെ ഇഷ്ടമാണെന്ന് വ്യക്തമാക്കിയ ശ്രീശാന്ത്, നിലവില്‍ ഇന്ത്യയുടേത് ലോകത്തിലെ തന്നെ മികച്ച ബോളിങ് ലൈന്‍ അപ്പാണെന്നും വ്യക്തമാക്കി. ഇന്ത്യയുടെ സ്പിന്നര്‍മാരായ അശ്വിന്റേയും ജഡേജുടേയും മത്സരം വിജയിപ്പിക്കാന്‍ കഴിവുള്ള സ്‌പെല്ലുകളെയും അദ്ദേഹം പുകഴ്‌ത്തി.
പ്രതികരിക്കാൻ ഇവിടെ എഴുതുക: