കാസര്കോട്: പ്രധാനമന്ത്രി കിസാന് സമ്മാന് നിധി വഴി കര്ഷകരുടെ അക്കൗണ്ടില് വന്ന തുക തിരിച്ചുപിടിച്ച സംഭവം കാസര്കോട് ജില്ലയിലെ ചില ബാങ്കുകള് സ്വീകരിച്ചതിനെതിരെ കിസാന് മോര്ച്ച സംസ്ഥാന അധ്യക്ഷന് നടത്തിയ ഇടപെടലുകള് ഫലം കണ്ടു. കിസാന് മോര്ച്ച സംസ്ഥാന അധ്യക്ഷന് അഡ്വ.ജയസൂര്യന് കേന്ദ്ര ധനകാര്യ മന്ത്രി നിര്മലാ സീതാരാമനും, കൃഷി മന്ത്രി നരേന്ദ്രസിംഗ് തോമറിനും ഇത് സംബന്ധിച്ച് കത്തയച്ചിരുന്നു.
അതിനെ തുടര്ന്ന് നടന്ന അടിയന്തിര ഇടപെടലാണ് തിരിച്ചുപിടിച്ച തുക കര്ഷകര്ക്ക് ലഭ്യമായി തുടങ്ങിയത്. കോവിഡ് 19 ന്റെ സാഹചര്യത്തില് കര്ഷകര്ക്ക് ആശ്വാസ നടപടി സ്വീകരിച്ച കേന്ദ്ര സര്ക്കാരിനും, ക്രിയാത്മക ഇടപെടല് നടത്തിയ കിസാന് മോര്ച്ച അധ്യക്ഷന് അഡ്വ.ജയസൂര്യനും കിസാന് മോര്ച്ച കാസര്കോട് ജില്ലാ കമ്മറ്റി അഭിനന്ദനമറിയിച്ചു.
