ന്യൂദല്ഹി: കൊറോണ(കൊവിഡ് 19) വൈറസ് ബാധിച്ച രോഗികളില് ഗംഗാജലമുപയോഗിച്ചുള്ള ചികിത്സയ്ക്ക് ഐസിഎംആറിനോട് പരീക്ഷണാനുമതി തേടി ദേശീയ ഗംഗാ ശുചിത്വ മിഷന്.
ഗംഗാനദിയിലെ ഫേയ്ജസുകള്ക്ക് ആന്റി മൈക്രോബയല് ഘടകങ്ങളുണ്ടെന്നും അവ ബാക്ടീരിയകളെ കൊല്ലുമെന്നതിനും ശാസ്ത്രീയ തെളിവുകളുണ്ടെന്ന് അതുല്യ ഗംഗ ഫൗണ്ടര് മേജര് മനോജ് കേശ്വര്(റിട്ട) പറഞ്ഞു. പുണ്യനദിയായ ഗംഗാ നദിയിലെ വെള്ളത്തിന് കൊറോണ ഭേദപ്പെടുത്താന് കഴിയുമെന്നാണ് ഇവര് പറയുന്നത്. ഗംഗാജലത്തിലെ ബാക്ടീരിയകള്ക്കും നിഞ്ജ വൈറസിനും രോഗകാരണമായ വൈറസുകളെ ഇല്ലാക്കാന് സാധിക്കുമെന്നും ദേശീയ ഗംഗാ ശുചിത്വ മിഷന് പറയുന്നു.
‘അതുല്യ ഗംഗ’ എന്ന വിരമിച്ച സൈനികരുടെ കൂട്ടായ്മയുടെ അഭ്യര്ത്ഥനയെ തുടര്ന്നാണ് ഗംഗാ ജലമുപയോഗിച്ച് രോഗികളില് ക്ലിനിക്കല് പരീക്ഷണം നടത്തണമെന്ന് ജല ശക്തി മന്ത്രാലയത്തിന്റെ വിഭാഗമായ ഗംഗാ ശുചിത്വ മിഷന് ആവശ്യപ്പെട്ടത്.
