കോഴിക്കോട്: കെ. കൃഷ്ണന്‍ മാസ്റ്റര്‍ കോഴിക്കോട്ടെ ബിജെപിയുടെ ജനകീയ മുഖമായിരുന്നുവെന്ന് സംസ്ഥാന സെക്രട്ടറി പി. രഘുനാഥ്. ബിജെപി സൗത്ത് മണ്ഡലം കമ്മറ്റി സംഘടിപ്പിച്ച അനുസ്മരണ യോഗത്തില്‍ സംസാരിക്കുകയായിരുന്നു അദ്ദേഹം. ബിജെപി സംസ്ഥാന അച്ചടക്കസിമിതി അംഗം, സംസ്ഥാന സമിതി അംഗം, ജില്ലാ ആക്ടിങ് പ്രസിഡന്റ്, ജില്ലാ വൈസ് പ്രസിഡന്റ് എന്നീ നിലകളില്‍ പ്രവര്‍ത്തിച്ചിരുന്നു. മണ്ഡലം പ്രസിഡന്റ് സി.പി. വിജയകൃഷ്ണന്‍ അദ്ധ്യക്ഷനായി. മേഖല വൈസ് പ്രസിഡന്റ് ടി.വി. ഉണ്ണികൃഷ്ണന്‍, ശിവന്‍ പുതിയപാലം, പി. രഞ്ജിത് എന്നിവര്‍ സംസാരിച്ചു.
കണ്ണഞ്ചേരി ശ്രീ ഗണേശ് കലാസമിതി പരിസരത്ത് ചേര്‍ന്ന കൃഷ്ണന്‍ മാസ്റ്റര്‍ അനുസ്മരണം മുന്‍ കൗണ്‍സിലര്‍ പങ്കജം പൈക്കാട്ട് ഉദ്ഘാടനം ചെയ്തു. കൗണ്‍സിലര്‍ നമ്പിടി നാരായണന്‍ അനുസ്മരണ പ്രഭാഷണം നടത്തി. കണ്ണഞ്ചേരി ശ്രീ മഹാഗണപതി ക്ഷേത്ര നര്‍ത്തകനായ ബാബു കോമരത്തിന് മാസ്‌ക്ക് നല്‍കി വിതരണ ഉദ്ഘാടനം നിര്‍വഹിച്ചു. ബിജെപി മീഞ്ചന്ത ഏരിയ ജനറല്‍ സെക്രട്ടറി സി. നിഖില്‍, പി. ധര്‍മ്മജ്, പി. പ്രേമരാജ്, എന്‍.വി. ദിനേശന്‍ എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: