കാസര്‍കോട്: ഭാരതീയജനസംഘത്തിന്റെയും ബിജെപിയുടേയും അമരക്കാരനായി ദേശീയതയ്‌ക്കൊപ്പം കേരളത്തെ ഉയര്‍ത്തികൊണ്ടുവരാന്‍ പ്രവര്‍ത്തിച്ച സ്വര്‍ഗീയ കെ.ജി.മാരാര്‍ജിയെ ലോക്ഡൗണിലും കാസര്‍കോട്ടെ സംഘപരിവാര്‍ പ്രവര്‍ത്തകര്‍ മറന്നില്ല.
കെ.ജി.മാര്‍ജിയുടെ പ്രധാനകര്‍മ്മമണ്ഡലമായിരുന്ന കാസര്‍കോട് ജില്ലയിലെ സംഘപരിവാര്‍ പ്രവര്‍ത്തകര്‍ വിവിധ ഓഫീസുകളിലും പ്രവര്‍ത്തകരുടെ നിരവധി വീടുകളിലും മാരാജിയുടെ ഛായചിത്രത്തിനു മുന്നിലും നിലവിളക്ക് കൊളുത്തിയും പുഷ്പാര്‍ച്ചന നടത്തിയും മാര്‍ജിയുടെ സ്മരണ പുതുക്കി. ബിജെപി ജില്ലാ പ്രസിഡന്റ് അഡ്വ.കെ.ശ്രീകാന്ത്, ജനറല്‍ സെക്രട്ടറി സുധാമ ഗോസാഡ എന്നിവര്‍ വീടുകളിലും ജനറല്‍ സെക്രട്ടറി എ.വേലായുധന്‍ കോട്ടപ്പാറ ശ്യാമപ്രസാദ് മുഖര്‍ജി മന്ദിരത്തിലും പുഷ്പാര്‍ച്ചന നടത്തി.
ബിജെപി സംസ്ഥാന സമിതി അംഗം പി.രമേശ്, സംസ്ഥാന കൗണ്‍സില്‍ അംഗങ്ങളായ നഞ്ചില്‍ കുഞ്ഞിരാമന്‍, കൊവ്വല്‍ ദാമോദരന്‍, ബിഎംഎസ് ജില്ലാ പ്രസിഡണ്ട് അഡ്വ.പി.മുരളീധരന്‍, കര്‍ഷകമോര്‍ച്ച ജില്ല പ്രസിഡന്റ് കുഞ്ഞികണ്ണന്‍ ബളാല്‍, ന്യൂനപക്ഷമോര്‍ച്ച ജില്ല പ്രസിഡന്റ് നോബില്‍ മാത്യു തുടങ്ങിയവരും വീടുകളില്‍ പുഷ്പാര്‍ച്ചന നടത്തി.
ബിജെപി കാസര്‍കോട് ജില്ലാ കമ്മറ്റി ഓഫീസില്‍ നടന്ന സ്വര്‍ഗീയ കെ.ജി മാരാര്‍ജി സ്മൃതി ദിനാചരണത്തില്‍ ജില്ലാ വൈസ് പ്രസിഡന്റ് അഡ്വ. സദാനന്ദ റൈ പുഷ്പ്പാര്‍ച്ചന നടത്തി. ബിജപി ജില്ലാ ട്രഷറര്‍ ജി. ചന്ദ്രന്‍, കൗന്‍സിലര്‍മാരായ എം.ശ്രീലത ടീച്ചര്‍, അരുണ്‍ കുമാര്‍ ഷെട്ടി, തുടങ്ങിയവര്‍ പങ്കെടുത്തു.
മാവുങ്കാല്‍: കല്യാണം മുത്തപ്പന്‍ത്തറ കുരുക്ഷേത്ര സാംസ്‌കാരിക വേദിയുടെ ആഭിമുഖ്യത്തില്‍ നടന്ന കെ.ജി.മാരാര്‍ അനുസ്മരണ യോഗം ബിജെപി ജില്ലാ കമ്മറ്റി അംഗം അജയകുമാര്‍ നെല്ലിക്കാട്ട് ഉദ്ഘാടനം ചെയ്തു. പ്രദീപ് കുമാര്‍ അധ്യക്ഷത വഹിച്ചു. എം.പി.ഉണ്ണികൃഷ്ണന്‍ സ്വാഗതവും പറഞ്ഞു. ഏച്ചിക്കാനം മാരാര്‍ജി ക്ലബില്‍ സംസ്ഥാന കൗണ്‍സില്‍ അംഗം ഇ.കൃഷ്ണന്‍ അനുസ്മരണ പ്രഭാഷണം നടത്തി.
ജില്ലാ സെക്രട്ടറി കെ. ശോഭന. പഞ്ചായത്ത് ജന. സെക്രട്ടറി എം.പ്രകാശന്‍, ബി.നാരായണന്‍, കെ.സുരേശന്‍, ബി.കുഞ്ഞിക്കണ്ണന്‍, പി.വിനു എന്നിവര്‍ സംബന്ധിച്ചു.
കാഞ്ഞങ്ങാട്: മാരാര്‍ജി സമൃതി ദിനത്തോട് അനുബന്ധിച്ച് യുവമോര്‍ച്ച കാഞ്ഞങ്ങാട് ജില്ലാ ആശുപത്രില്‍ രക്തദാനം നടത്തി. യുവമോര്‍ച്ച കാസര്‍കോട് ജില്ലാ വൈസ് പ്രസിഡന്റ് ശ്രീജിത്ത് പറക്കളായി പ്രവര്‍ത്തകരായ വിപിന്‍ പൂതങ്ങാനം, ശ്രീഹരി വളപ്പില്‍, പ്രസാദ് മാവുങ്കാല്‍, നന്ദു രാജ്, അഖില്‍, അജാനൂര്‍, ബിനിഷ് വയമ്പ് തുടങ്ങിയവര്‍ പങ്കെടുത്തു.
ഉദുമ: ബിജെപി എരോല്‍ ബൂത്ത് കമ്മറ്റിയുടെ നേതൃത്വത്തില്‍ കെജി മാരാര്‍ജിയുടെ ഇരുപത്തി അഞ്ചാം ചരമ വാര്‍ഷികം ആചരിച്ചു. ബിജെപി ജില്ലാ കമ്മറ്റി അംഗം വൈ.കൃഷ്ണദാസ് അനുസ്മരണ പ്രഭാഷണം നടത്തി. കര്‍ഷകമോര്‍ച്ച ഉദുമ മണ്ഡലം കമ്മറ്റി അംഗം വൈ.നാരായണന്‍, ബിജെപി ഉദുമ പഞ്ചായത്ത് കമ്മറ്റി അംഗം വൈ. ശിവരാമന്‍, മുതിര്‍ന്ന പ്രവര്‍ത്തകരായ കെ.വൈ ദാമോദരന്‍, വൈ.പത്മനാഭന്‍ എന്നിവര്‍ സംബന്ധിച്ചു.
നീലേശ്വരം: ബിജെപി നീലേശ്വരം മുനിസിപ്പല്‍ കമ്മറ്റിയുടെ ആഭിമുഖ്യത്തില്‍ നടന്ന കെ.ജി.മാര്‍ജി അനുസ്മരണ ചടങ്ങില്‍ മണ്ഡലം വൈസ് പ്രസിഡന്റ് പി.യു വിജയകുമാര്‍ അനുസ്മരണ പ്രഭാഷണം നടത്തി. മണ്ഡലം ജനറല്‍ സെക്രട്ടറി വെങ്ങാട് കുഞ്ഞിരാമന്‍, മണ്ഡലം സെക്രട്ടറി സി.കെ ഉണ്ണികൃഷ്ണന്‍, മുനിസിപ്പല്‍ പ്രസിഡണ്ട് പി.വി സുകുമാരന്‍, ജനറല്‍ സെക്രട്ടറി പി.മോഹനന്‍, സെക്രട്ടറി വി.കൃഷ്ണകുമാര്‍ എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: