കോഴിക്കോട്: ജില്ലയില് റേഷന് വിതരണം അവതാളത്തില്. ഇന്നലെ പലരും റേഷന് ലഭിക്കാതെ മടങ്ങിപ്പോയി. സര്ക്കാര് ആവശ്യത്തിന് സ്റ്റോക്ക് എത്തിക്കാതിരുന്നതാണ് കാരണം. ജില്ലയില് നോര്ത്ത്-72, സൗത്ത്-90, താലൂക്ക്-210, വടകര-214, കൊയിലാണ്ടി-254, താമരശ്ശേരി-121 എന്നിങ്ങനെ ആകെ 961 റേഷന് കടകളാണുള്ളത്. ഇതില് ഭൂരിഭാഗം കടകളിലും മട്ട അരി മാത്രമാണ് സ്റ്റോക്കുള്ളത്. ഇതുകൊണ്ട് പലരും റേഷന് വാങ്ങാതെ തിരിച്ച് പോവുകയായിരുന്നു.
സാധാരണയില് കവിഞ്ഞ് ആളുകള് വരുമെന്നറിഞ്ഞിട്ടും അരി എത്തിക്കാനുള്ള മുന്കരുതല് ജില്ല ഭരണകൂടം എടുക്കാത്തതാണ് റേഷന് വിതരണം താറുമാറാകാന് കാരണം. ഉഷ്ണതരംഗ സാധ്യതയുള്ള ഇന്നലെ ഈ ബുദ്ധിമുട്ടുകളെല്ലാം സഹിച്ച് റേഷന് വാങ്ങാനെത്തിയവര്ക്കാണ് വെറും കയ്യോടെ മടങ്ങിപ്പോകേണ്ടി വന്നത്.
ഇന്നലെ വൈകിട്ടോടെ കോഴിക്കോട് താലൂക്കിലെ 100 കടകളിലേക്കുള്ള അരി മാത്രമെ എത്തിച്ചിട്ടുള്ളൂ ബാക്കി കടകള് റേഷന് എത്താത്തത് കൊണ്ട് ഇന്നും പലര്ക്കും റേഷന് ലഭിക്കാതെ മടങ്ങിപ്പോകേണ്ടി വരും. റേഷന് കടകളില് സ്റ്റോക്കുള്ള അരി വിതരണം നടത്താനായിരുന്നു അറിയിച്ചിരുന്നത്. എന്നാല് അരി തീര്ന്നതോടെ തിരക്കൊഴിവാക്കാനായി പ്രഖ്യാപിച്ച ക്രമീകരണവും താളം തെറ്റിയ അവസ്ഥയാണ്. ആദ്യ ദിനം 1,38,827 കുടുംബങ്ങള്ക്കും രണ്ടാം ദിനം 1,37,266, ഇന്നലെ 62,345 എന്നിങ്ങനെ ആകെ 3,87,438 കാര്ഡുടമകളാണ് കഴിഞ്ഞ മൂന്ന് ദിവസത്തിനിടെ റേഷന് കൈപറ്റിയത്. ജില്ലയില് 7,60,652 കാര്ഡുടമകളാണ് ആകെയുള്ളത്.
ഇന്നലെ വരെ 50.39 ശതമാനം കാര്ഡുടമകളാണ് റേഷന് കൈപ്പറ്റിയത.് വിതരണത്തിനുള്ള 40 ശതമാനത്തോളം അരി ഇനിയും എത്താനുണ്ട്.അരി എത്രയും പെട്ടെന്ന് എത്തിക്കാനുള്ള നടപടി എടുത്തിട്ടുണ്ടെന്ന് ജില്ല കളക്ടറും സപ്ലൈ ഓഫീസറും അറിയിച്ചതായി ഓള് കേരള റീട്ടെയില് റേഷന് ഡീലേഴ്സ് അസോസിയേഷന് സംസ്ഥാന ജനറല് സെക്രട്ടറി ടി. മുഹമ്മദാലി പറഞ്ഞു. കക്കോടി: സൗജന്യ അരിവിതര ണം കാര്യ ക്ഷമമാ ക്കണമെന്ന് കര്ഷക മോര്ച്ച എലത്തൂര് മണ് ഡലം പ്രസിഡന്റ് ഇ. എം. ശശീന്ദ്രന് ആവശ്യപ്പെട്ടു
