തൃശൂര് : മറ്റത്തൂര് പഞ്ചായത്തില് വര്ദ്ധിച്ചു വരുന്ന കാട്ടാനകളുടെ ശല്യം പരിഹരിക്കുന്നതിനായി വനം വകുപ്പിന്റെ ഫോറസ്റ്റ് മിനി ഫയര് റെസ്പോണ്ടര് എത്തി. കാട്ടാനകള് ഇറങ്ങുമ്പോള് വിവിധ ടോണുകളില് സെറ്റ് ചെയ്ത അലാറം മുഴക്കാന് മിനി ഫയര് റെസ്പോണ്ടറിനു കഴിയും.
ഇങ്ങനെ നാട്ടിലിറങ്ങുന്ന കാട്ടാനകളെ ഉള്ക്കാടുകളിലേക്ക് ഓടിക്കാന് സാധിക്കുന്നു. കാടിന്റെ ഉള്ഭാഗങ്ങളിലേക്ക് ഓടാന് കഴിയുന്ന വണ്ടിയില് 60 മീറ്റര് നീളത്തില് പൈപ്പും 150 ലിറ്റര് വെള്ളവും ഉണ്ടാകും. വനത്തിന്റെ ഉള്ഭാഗങ്ങളില് ഉള്ള വന പാലകര്ക്ക് വെള്ളം ഇത് വഴി വിതരണം ചെയ്യാന് കഴിയും. ഇത്തരത്തിലുള്ള രണ്ട് വണ്ടികളാണ് വനം വകുപ്പ് ഈ വര്ഷം വാങ്ങിയിട്ടുള്ളത്.
ചാലക്കുടിക്ക് പുറമെ പാലക്കാട് ഡിവിഷനിലുമാണ് വണ്ടി സൗകര്യം ഉണ്ടാവുക. മറ്റത്തൂര് പഞ്ചായത്തിലെ നാല്, അഞ്ച്, ഏഴ്, എട്ട്, ഒന്പത് എന്നീ വാര്ഡുകളിലാണ് കാട്ടാന ശല്യം കൂടുതല്. വനം വകുപ്പിന്റെ മിനി ഫയര് റെസ്പോണ്ടര് എത്തിയതോടെ കാട്ടാന ശല്യം കുറക്കാന് കഴിഞ്ഞതായി മറ്റത്തൂര് ഗ്രാമ പഞ്ചായത്ത് പ്രസിഡന്റ് പി .സി. സുബ്രന് പറഞ്ഞു. കാട്ടാനയുടെ ആക്രമണത്തെ ഭയന്നു കഴിയുന്ന വാര്ഡുകളിലെ ജനങ്ങള്ക്ക് ഇതൊരു സഹായമാണെന്നും അദ്ദേഹം കൂട്ടിച്ചേര്ത്തു.
