ബെംഗളൂരു : ആര്‍എസ്എസ് ഉന്നതതല കാര്യകര്‍ത്തൃ യോഗമായ അഖില ഭാരതീയ പ്രതിനിധി സഭ മാറ്റി വച്ചു. 15,16,17 തിയതികളിലായി ജനസേവ വിദ്യാകേന്ദ്രയില്‍ വെച്ച് നടത്താനിരുന്ന യോഗമാണ് മാറ്റിവച്ചതായി അറിയിച്ചത്.
രാജ്യത്ത് കോവിഡ് 19 പകരുന്ന സാഹചര്യത്തില്‍ കേന്ദ്ര- സംസ്ഥാന സര്‍ക്കാരുകളുടെ ജാഗ്രതാ നിര്‍ദ്ദേശപ്രകാരമാണ് പ്രതിനിധി സഭ മാറ്റി വക്കുന്നതെന്ന് അഖില ഭാരതീയ സഹ പ്രചാര്‍ പ്രമുഖ് നരേന്ദ്ര ഥാക്കൂര്‍ വാര്‍ത്താ സമ്മേളനത്തില്‍ അറിയിച്ചു.
ആര്‍എസ്എസ് പരിവാര്‍ സംഘടകളില്‍ നിന്നായി 1500 ഓളം പ്രതിനിധികളില്‍ യോഗത്തില്‍ പങ്കെടുക്കുമെന്നാണ് നേരത്തെ അറിയിച്ചിരുന്നത്. എന്നാല്‍ രാജ്യം ഇപ്പോള്‍ കൊറോണ ഭീതിയിലാണ്. അതുകൊണ്ടുതന്നെ പൊതു പരപാടികള്‍ പരമാവധി ഒഴിവാക്കണമെന്ന സര്‍ക്കാരിന്റെ നിര്‍ദ്ദേശത്തിന്റെ ഭാഗമായാണ് പ്രതിനിധി സഭ മാറ്റിവെയ്‌ക്കുന്നതെന്നും ആര്‍എസ്എസ് പറഞ്ഞു.
