ചിറ്റൂര് : ദളിത് വിഭാഗത്തില്പെട്ട പൂജാരികളെ ശാന്തിക്കായി നിയമിക്കാനൊരുങ്ങി തിരുപ്പതി തിരുമല ദേവസ്വം. ചരിത്രപരമായ തീരുമാനമാണ് തിരുപ്പതി ദേവസ്വം കൈക്കൊണ്ടിരിക്കുന്നത്. ദേവസ്വത്തിന്റെ കീഴിലുള്ള എല്ലാ ക്ഷേത്രങ്ങളിലും ദളിത് വിഭാഗത്തില് നിന്നുള്ള പൂജാദികര്മ്മങ്ങള് പഠിച്ചവരെ നിയമിക്കാന് തിരുമാനിച്ചിരിക്കുന്നത്.
വിശ്വഹിന്ദു പരിഷത്ത് പോലുള്ള സംഘടനകള് ഈ ആവശ്യം വളരെ മുന്പു തന്നെ മുന്നോട്ടു വച്ചിരുന്നു. അതാണ് തിരുപ്പതി തിരുമല ദേവസ്വം ഇപ്പോള് പ്രാവര്ത്തികമാക്കുന്നത്. മൂന്നുമാസം ദേവസ്ഥാനത്തിന്റെ തീവ്രമായ പരിശീലനത്തിന് ശേഷമാണ് ക്ഷേത്രങ്ങളില് നിയമിക്കുന്നത്. ഇതിന്റെ പ്രാരംഭ നടപടിയായി ആദ്യ ബാച്ചിലെ ഇരുന്നൂറോളം പൂജാരിമാര് ഉടന് തന്നെ സ്ഥാനമേല്ക്കുമെന്ന് തിരുപ്പതി ദേവസ്വം ബോര്ഡ് അറിയിച്ചു.
മാറ്റ് ദേവസ്വങ്ങള്ക്കും മാതൃകയായാണ് ഈ നടപടി. ആര്എസ്എസ് രാജ്യമെമ്പാടും പിന്നോക്ക വിഭാഗത്തില്പ്പെട്ട ആളുകളെ പൂജാദികര്മ്മങ്ങള് പഠിപ്പിക്കാന് തന്ത്രവിദ്യാപീഠം സ്ഥാപിച്ചു പരിശീലനം നല്കുന്നുണ്ട്.
