തിരുവനന്തപുരം: മാധ്യമപ്രവര്ത്തകന് കെ.എം ബഷീറിനെ വാഹനമിടിച്ച് കൊലപ്പെടുത്തിയ കേസിലെ പ്രതി ശ്രീറാം വെങ്കിട്ടരാമന്റെ സസ്പെന്ഷന് കാലാവധി നീട്ടി. 90 ദിവസത്തേക്കാണ് സസ്പെന്ഷന് നീട്ടിയത്. ഇന്ന് സസ്പെന്ഷന് കാലാവധി അവസാനിക്കാനിരിക്കെയാണ് നടപടി.
സര്വ്വീസില് തിരിച്ചെടുക്കാന് ശുപാര്ശ ചെയ്തുകൊണ്ടുള്ള റിപ്പോര്ട്ട് സര്ക്കാരിന് മുന്നില് ചീഫ് സെക്രട്ടറി ടോം ജോസ് അധ്യക്ഷനായ സമിതി നല്കിയിരുന്നു. ശുപാര്ശ മുഖ്യമന്ത്രി അംഗീകരിക്കാതെ ഇദ്ദേഹത്തിന്റെ സസ്പെന്ഷന് നീട്ടാന് തീരുമാനിക്കുകയായിരുന്നു.
സസ്പെന്ഷന് കാലാവധി ആറ് മാസം പിന്നിട്ട സാഹചര്യത്തിലാണ് ഈ സാങ്കേതികത്വം ചൂണ്ടിക്കാട്ടി ശ്രീറാമിനെ തിരിച്ചെടുക്കാന് ശുപാര്ശ ചെയ്തത്. സംഭവത്തെക്കുറിച്ച് അന്വേഷിക്കാനായി പ്രത്യേക അന്വേഷണ കമ്മീഷനെ സര്ക്കാര് നേരത്തെ നിയമിച്ചിരുന്നു.
സസ്പെന്ഷന് റദ്ദാക്കണം എന്നാവശ്യപ്പെട്ട് ശ്രീറാമിന് അഡ്മിനിസ്ട്രേറ്റീവ് ട്രൈബ്യൂണലിനെ സമീപിക്കാം.
