തിരുവനന്തപുരം: ട്വിറ്ററില് വീണ്ടും വഴുതി വീണ് ശശി തരൂര്. നെഹ്റുവിന്റേയും അയ്യങ്കാളിയുടേയും വേഷമിട്ട കുട്ടികളെ ഹിന്ദു മുസ്ലിം ആക്കി ചിത്രീകരിച്ചാണ് ശശി തരൂരിന് ഇത്തവണ അപകടം പിണഞ്ഞിരിക്കുന്നത്.
പൗരത്വ നിയമ ഭേദഗതിയുമായി ബന്ധപ്പെടുത്തി കുട്ടികളുടെ ചിത്രം പങ്കുവെച്ചതാണ് എംപിയും മുന് കേന്ദ്രമന്ത്രിയുമായ ശശി തരൂര്. ഹിന്ദു-മുസ്ലിം ഐക്യത്തിന്റെ ആള്രൂപമായി വേഷമിട്ട രണ്ട് തിരുവനന്തപുരം കുട്ടികള്’ എന്ന പേരിലാണ് അദ്ദേഹം ട്വീറ്റ് ചെയ്തത്. എന്നാല് ഇന്ത്യയുടെ ആദ്യ പ്രധാനമന്ത്രിയും കോണ്ഗ്രസ് നേതാവ് കൂടിയായ ജവഹര്ലാല് നെഹ്രുവിന്റെ വേഷമാണ് കുട്ടികളില് ഒരാള് ധരിച്ചതെന്ന് മനസ്സിലാക്കാന് മാത്രം തരൂരിന് സാധിച്ചില്ല.
അദ്ദേഹത്തിന്റെ ട്വീറ്റിനെതിരെ സമൂഹ മാധ്യമങ്ങളില് വന് വിമര്ശനങ്ങളാണ് ഉയരുന്നത്. അയ്യങ്കാളിയേയും നെഹ്റുവിനേയും തിരിച്ചറിയാന് സാധിച്ചിട്ടില്ല. ഇവരാണ് രാജ്യത്ത് മതേതരത്വം ഉണ്ടാക്കാന് ശ്രമിക്കുന്നത്. സ്വന്തം നേതാക്കളില് ഒരാളെ തന്നെ തിരിച്ചറിയാനായില്ലെന്നും തരൂരിനെതിരെ രൂക്ഷ വിമര്ശനം ഉയര്ന്നിട്ടുണ്ട്.
ഇത്തരത്തില് തരൂരിന്റെ ട്വീറ്റുകള് വിമര്ശിക്കപ്പെടുന്നത് ആദ്യത്തെ സംഭവമല്ല. ഇതിനു മുമ്പ് കോഴിക്കോട് ഡിസിസി സംഘടിപ്പിച്ച പ്രതിഷേധ മാര്ച്ചിന്റെ അറിയിപ്പ് പോസ്റ്റില് ഇന്ത്യയുടെ തെറ്റായ ഭൂപടം ഉള്ക്കൊള്ളിച്ച് അദ്ദേഹം വിമര്ശനം ഏറ്റുവാങ്ങിയിരുന്നു. പാക് അധീന കാശ്മീര് ഒഴിവാക്കിക്കൊണ്ടുള്ള ഇന്ത്യയുടെ ഭൂപടമായിരുന്നു അന്ന് തരൂര് പോസ്റ്റ് ചെയ്തത്. ഇതിനെതിരെ വിമര്ശനം ഉയര്ന്നതോടെ ട്വീറ്റ് പിന്വലിച്ച് തടിയൂരുകയായിരുന്നു.
കൂടാതെ കസബ വിവാദത്തില് നടി പാര്വതിയെ പിന്തുണച്ച് ട്വീറ്റ് ചെയ്തപ്പോഴും തരൂരിന് അബദ്ധം സംഭവിച്ചിരുന്നു. ട്വീറ്റില് നടിയെ ടാഗ് ചെയ്യേണ്ടതിന് പകരം പാര്വതി നായരെ ആണ് അദ്ദേഹം ടാഗ് ചെയ്തത്.
