മുംബെെ: ഇന്ത്യക്കായി ടി20യില് ഏറ്റവും കൂടുതല് റണ്സ് നേടിയ ക്യാപ്റ്റന് എന്ന പദവി ഇനി വിരാട് കോഹ്ലിക്ക്. ന്യൂസിലന്ഡിനെതിരായ മൂന്നാം ടി20യുടെ 16ാം ഓവറിലാണ് കോഹ്ലി ധോണിയെ മറികടന്നത്. ഇഷ് സോധി എറിഞ്ഞ ഓവറിലെ നാലാം പന്തില് സിംഗിള് എടുത്തുകൊണ്ടാണ് കോഹ്ലി റെക്കോര്ഡ് സ്വന്തമാക്കിയത്.
1112 റണ്സാണ് ധോണി ഇന്ത്യന് ക്യാപ്റ്റനായി ടി20കളില് നേടിയത്. നിലവില് കോഹ്ലിക്ക് 1124 റണ്സ് നേടിയിട്ടുണ്ട്. 1273 റണ്സെടുത്ത ദക്ഷിണാഫ്രിക്കന് താരം ഫാഫ് ഡുപ്ലെസിസാണ് പട്ടികയില് ഒന്നാമന്. 1148 റണ്സുള്ള ന്യൂസിലന്ഡ് നായകന് കെയിന് വില്ല്യംസണ് പട്ടികയില് രണ്ടാം സ്ഥാനത്തും ഉണ്ട്.
ഈ റെക്കോഡ് മാത്രമല്ല കോഹ്ലിക്ക് മുന്നിലുള്ളത്. ഒരു അര്ധ സെഞ്ചുറി കൂടി നേടിയാല് ട്വന്റി ട്വന്റിയില് ഏറ്റവും അധികം അര്ധ സെഞ്ചുറി നേടിയ ക്യാപ്റ്റന് എന്ന ബഹുമതിയും കോഹ്ലി സ്വന്തമാക്കും. നിലവില് എട്ടു അര്ധ സെഞ്ചുറികള് നേടിയ വില്യംസണും ഡുപ്ലെസിസുമാണ് മുന്നില്. ഇവിടെ കൊണ്ടു തീരുന്നില്ല കോഹ്ലിക്ക് മുന്നിലുള്ള റെക്കോഡുകളുടെ നിര. ടി20യില് ക്യാപ്റ്റന് എന്ന നിലയില് 50 സിക്സറുകള് നേടുന്ന രണ്ടാംമത്തെ താരമായി മാറാന് കോഹ്ലി വേണ്ടത് ഏഴു സിക്സറുകള് മാത്രം. ഇംഗ്ലണ്ട് ക്യാപ്റ്റന് ഇയോന് മോര്ഗണ് ഇതിനകം ഈ ബഹുമതി സ്വന്തമാക്കിയിട്ടുണ്ട്.
