കൊച്ചി: മരടിലെ ജെയിന് കോറല് കോവ് ഫ്ളാറ്റ് സമുച്ചയം പൊളിച്ചത് പൂര്ണ്ണ വിജയമെന്ന് കളക്ടര് എസ്. സുഹാസ്. ഫ്ളാറ്റ് നിലം പതിച്ചതോടെ അന്തരീക്ഷത്തില് പൊടിപടലങ്ങള് ഉയര്ന്നത് ഒഴിച്ചാല് മുന്കൂട്ടി നിശ്ചയിച്ചത് പ്രകാരം തന്നെയാണ് സംഭവിച്ചത്. കായലില് ഫ്ളാറ്റിന്റെ അവശിഷ്ടങ്ങള് വീണിട്ടില്ലെന്നും വീടുകള് സുരക്ഷിതമെന്നും കളക്ടര് അറിയിച്ചു.
ഒരപകടവും ഉണ്ടായിട്ടില്ലെന്നും എല്ലാം നിശ്ചയിച്ച പ്രകാരം നടന്നെന്നുമാണ് കളക്ടര് വ്യക്തമാക്കിയിരിക്കുന്നത്. നിയന്ത്രിത സ്ഫോടനത്തിലൂടെ ഫ്ളാറ്റ് തകര്ത്തപ്പോള് പൊടിപടലങ്ങള് ഉയര്ന്നുപൊങ്ങി കാഴ്ച ആദ്യം മറച്ചെങ്കിലും മുന്കൂട്ടി നിശ്ചയിച്ച പ്രകാരം ഫ്ളാറ്റ് അവശിഷ്ടങ്ങളെല്ലാം പ്രദേശത്ത് തന്നെ പതിക്കുകയായിരുന്നു.
അതേസമയം കായലിലേക്കോ സമീപത്തെ വീട്ടിലേക്കോ വലിയ കോണ്ക്രീറ്റ് അവശിഷ്ടങ്ങള് തെറിച്ചു വീഴാതെ വന് എഞ്ചിനീയറിങ് മികവും ഇതില് ചൂണ്ടിക്കാട്ടുന്നു. മികച്ച ഏകോപനത്തോടെയാണ് ഫ്ളാറ്റ് പൊളിക്കല് നടന്നതെന്ന് കമ്മിഷണര് വിജയ് സാക്കറെ അറിയിച്ചു. മരടിലെ പൊളിച്ച് മാറ്റാന് നിര്ദ്ദേശിച്ചതിലെ ഏറ്റവും വലിയ ഫ്ളാറ്റ് സമുച്ചയമായിരുന്നു ജെയിന് കോറല് കോവ് ഫ്ളാറ്റ്.
അഞ്ച് നിലകളിലായി 400 കിലോ സ്ഫോടന വസ്തുക്കള് നിറച്ച് വൈദ്യുതി ജ്വലനത്തിലൂടെ താഴത്തെ നിലയും ടൈമറുകളിലൂടെ മറ്റു നിലകളിലും സ്ഫോടനം നടത്തുകയായിരുന്നു. ആറ് മീറ്റര് മാത്രം ദൂരെ രണ്ടുവശത്തും കായലായതിനാല് 46 ഡിഗ്രിയില് കിഴക്കുവശത്ത് തുറസ്സായ ഭാഗത്തേയ്ക്ക് പൊളിഞ്ഞുവീഴുന്ന വിധത്തില് തന്നെയാണ് എഡിഫെസ് പദ്ധതി നടപ്പിലാക്കിയത്. രണ്ടു മണിക്കാണ് ഗോള്ഡന് കായലോരം ഫ്ളാഫ്ളാറ്റ് തകര്ക്കുന്നത്. ഇതിന്റെ ഭാഗമായി ആളുകളെ ഒഴിപ്പിച്ചു തുടങ്ങി.
