ന്യൂദല്ഹി: ജെഎന്യുവില് മുഖംമൂടി ആക്രമണത്തിന് നേതൃത്വം നല്കിയത് ഇടതു ജിഹാദി വിദ്യാര്ഥികളെന്ന് തെളിവുകലുടെ അടിസ്ഥാനത്തില് വ്യക്തമാക്കി ദല്ഹി പോലീസ്. ആകെ ഒമ്പതു പ്രതികളുടെ ദൃശ്യങ്ങളാണ് സിസിടിവിയില് നിന്നു വ്യക്തമായത്. ഇതില് അക്രമം നടത്തിയ ഏഴു പേരും ഇടതു ജിഹാദി വിദ്യാര്ഥികളാണെന്ന് ചിത്രങ്ങള് സഹിതം ദല്ഹി പോലീസ് വ്യക്തമാക്കി. രണ്ടു വിദ്യാര്ഥികള് എബിവിപി അനുഭാവമുള്ളവരാണെന്ന് പോലീസ്.
ക്യാംപസിലെ സെര്വര്റൂം അടക്കം അടിച്ചു തകര്ത്തത് യൂണിയന് പ്രസിഡന്റ് ഐഷി ഘോഷാണെന്നും പോലീസ്. പുതിയ രജിസ്ട്രേഷനില് പങ്കെടുക്കാന് എത്തിയ വിദ്യാര്ഥികളെ ഇടതു വിദ്യാര്ഥികള് വ്യാപകമായി അക്രമിച്ചെന്നും പോലീസ്. കേസ് സംബന്ധിച്ചു മാധ്യമങ്ങളിലടക്കം തെറ്റിദ്ധാരണ പരത്തുന്ന വാര്ത്തകളാണ് സംപ്രേഷണം ചെയ്തത്. സമരം ചെയ്യുന്ന വിദ്യാര്ഥികള് കോളേജിലെ വിദ്യാര്ഥികളെ ഭീതിയിലാക്കാന് വേണ്ടിയാണ് വ്യാപകമായി അക്രമം അഴിച്ചു വിട്ടത്. ഇവര് തന്നെയാണ് മുഖംമൂടിയുമായി പെരിയാര് ഹോസ്റ്റലില് അതിക്രമിച്ചു കയറി വിദ്യാര്ഥികളെ ആക്രമിച്ചത്.
