ലോസ് ഏയ്ഞ്ചല്‍സ്: ഇറാനിയന്‍ സൈനിക മേധാവി ഖാസിം സുലൈമാനി ദല്‍ഹിയെയും ലക്ഷ്യമിട്ടിരുന്നുവെന്ന് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. ദല്‍ഹിയിലെ ഭീകരാക്രമണത്തിലും അമേരിക്കന്‍ വ്യോമാക്രമണത്തില്‍ കൊല്ലപ്പെട്ട ഇറാന്‍ രഹസ്യസേനാ മേധാവിക്ക് പങ്കുണ്ടെന്ന് ഫ്‌ളോറിഡയില്‍ നടത്തിയ പ്രസംഗത്തില്‍ ട്രംപ് വ്യക്തമാക്കി.
ഏട്ടു വര്‍ഷത്തിനു മുന്നെ ഫെബ്രുവരി 13ന് ദല്‍ഹില്‍ നടന്ന സ്‌ഫോടനത്തെ കുറിച്ചാണ് അമേരിക്കന്‍ പ്രസിഡന്റ് പറഞ്ഞതെന്നാണ് മനസ്സിലാക്കുന്നത്. എന്നാല്‍, കാര്‍ബോംബ് സ്‌ഫോടനം നടന്ന സമയത്തു തന്നെ ഇസ്രയേല്‍ പ്രധാനമന്ത്രി ബഞ്ചമിന്‍ നെതന്യാഹു ഇറാന്റെ പങ്കിനെ കുറിച്ച് സൂചിപ്പിച്ചിരുന്നു. 2012ലെ സ്‌ഫോടനത്തില്‍ ഇസ്രയേല്‍ പ്രതിരോധ പ്രതിനിധിയുടെ ഭാര്യയടക്കം നാലുപേര്‍ക്കാണ് ഗുരുതര പരിക്കേറ്റത്. ട്രംപിനറെ വെളിപ്പെടുത്തലിനെ തുടര്‍ന്ന് ദല്‍ഹിയില്‍ സുരക്ഷാ ക്രമീകരണങ്ങള്‍ ശക്തമാക്കിയതായി പോലീസ് മേധാവി ആറിച്ചു. ചാണക്യപുരി, ഹുമയൂണ്‍ റോഡ്, വസന്ത് വിഹാര്‍ എന്നിവിടങ്ങളില്‍ സുരക്ഷ വര്‍ദ്ധിപ്പിച്ചിട്ടുണ്ട്. ഡല്‍ഹിയിലെ അമേരിക്കന്‍, ഇസ്രയേല്‍, ഇറാന്‍ എംബസികളുടെ സുരക്ഷയും വര്‍ധിപ്പിച്ചു.
ബാഗ്ദാദില്‍ അമേരിക്കന്‍ എംബസി നശിപ്പിച്ചത്തും സുലൈമാനിയുടെ കീഴിലാണെന്ന് ട്രംപ് പറയുന്നു. ഒരു യുദ്ധമില്ലാതാക്കുന്നത്തിന്റെ ഭാഗമായാണ് സുലൈമാനിയെ വധിച്ചത്. അത് യുദ്ധത്തിലെക്ക് നയിക്കില്ലെന്നും ഡൊണാള്‍ഡ് ട്രംപ് പറഞ്ഞു. ലോകത്തിലെ നമ്പര്‍ വണ്‍ ഭീകരനെയാണ് തന്റെ നിര്‍ദേശമനുസരിച്ച് യു.എസ്. സൈന്യം വധിച്ചത്. അമേരിക്കന്‍ നയതന്ത്ര, സൈനിക ഉദ്യോഗസ്ഥര്‍ക്കെതിരെ അതിക്രൂരമായ ആക്രമണം നടത്താനായിരുന്നു സുലൈമാനി പദ്ധതിയിട്ടിരുന്നതെന്നും അദേഹം പറഞ്ഞു. അടുത്തിടെ ഇറാനില്‍ നിരവധി പ്രതിഷേധക്കാരെ അടിച്ചൊതുക്കിയതും സുലൈമാനിയുടെ നേതൃത്വത്തിലായിരുന്നു. ആയിരത്തിലേറെ പേരെയാണ് ഇറാന്‍ സര്‍ക്കാര്‍ ക്രൂരമായി പീഡിപ്പിക്കുകയും കൊലപ്പെടുത്തുകയും ചെയ്തതെന്നും ട്രംപ് ആരോപിച്ചു.
